Wednesday, February 27, 2013

සරා ගොයියා හරි මිනිහා...!!




               කාලෙන් කාලෙට ඉන්දියාවේ එක එක නිර්මාණ බිහිවෙනවා. ඒවගේම හරි ඉක්මනට ඕවා අපේ රටටත් වීසි වෙනවා. සමහර ඒවයේ අපූර්වත්වයක් නැතුවත් නෙමේ. ඒත් හොඳ නරක මොකවුනත් පිට රටින්නම් ඕන එකක් බාර ගන්න සූජානන් කට්ටියත් මේ රටේ නැතුව නෙමෙයි. ඕං මම ඒක නම් කිවුවේ ඔයාලට නෙමේ. ඔයාලා එහෙම නෑ නේ නේදෝ.........?

මතකයිනේ පහුනු දවස් වල අර "වැලබෑවුනී" ලා සෙට් එකක් ගෙනත් නටවපු නැටවිල්ල. අම්මපා කියලා වැඩක් නෑ. කදිමයි අනර්ඝයි.....!!
මට පුදුමත් හිතුනා ඉන්දියාවේ "ආශ්චර්යය" දැකලා.
හැමෝම ලොකුයි කිව්වට එච්චර ලොකු නෑ බොලවු...
අල්ලෙනුත් වහතෑකි.
කිවුවට විශ්වාසෙට ගනිල්ලා අපේ ටේලර් ගොයියා කිවුවේ ඌට ටේප් එක නැතුං උනත් මැසිමන්ට් ගතහැකිලු.
හ්ම්හ්.... මේං මෙච්චර විතර ඇති....!
අනිච්චේ දුක්ඛේ... මුන්ට කහඹිලියා අඹරලා ගිල්ලන්ට ඕන ඇතුල්පැත්ත කහන්න.

කොහොම උනත් සරාලා වගේ වලේ එකයි ගොඩ දෙකයි තියාගෙන ඉන්න එවුන්ට ඕවයේ අගයක් ආඩම්බරයක් මෙලෝ රහක් නැති උනාට ඔවුවයේ වටිනාකොම රහ ගුණ දන්න උත්තමයොත් මේ අමුතු ඇටේ ඇතුලේ ඉන්නවා.කිසි වග විබාගයක් නැතුව තප්පුලන්න ගෙහුං උන්දැලගේ උදහසට ලක්වෙයි කියන බයටම සරා ඕං ඒගැන දොඩන්ට යන්නේ නෑ ආයිබොවන්.

මේ උත්සාහය දැනට දශක කීපයකට පෙර ඉන්දියාවේ බිහිවුනු අපූරු චිත්‍රපට ගීත කිහිපයක තොරතුරු දන්න තරමින් ජුන්ඩක් විතර කියන්න.අද ටිකක් අමුතු විදිහකට, මේ හිංදි තනුවලට අනුව බිහිවුනු සිංහල ගීතත් මම මේ සමඟම දෙනවා. හැබැයි හදන්නන් වාලේ හදපුවා නෙමෙයි මුල් ගීයේ තේරුමම හෝ ඒසමාන අර්ථයක් මතුකරපු ඒවා විතරයි. අපි දන්නවා එදා හිංදි ගීත අද මෙන් කලවං පලා මැල්ලුමක් නොවෙන බොහොම අර්ථවත් මිහිරි නිර්මාණ කියලා. මේ නිසාම එදා උතුරු ඉන්දීය සංගීතය කියලා වැඩසටහනකුත් ශ්‍රී ලංකා ගුවන් විදුලි සංස්ථාවේ සිංහල දෙවන සේවය කියන නාලිකාවේ විකාශය වුනා කියලා මතකයක් සරාට තියෙනවා.

            ඔය ශංකර් ජායිකිෂන්, ලක්ෂ්මී කාන්ත් ප්යාරේලාල්, නවුෂාද් වගේ සංගීතඥයන් ගැන වගේම මන්නාඩේ, මුකේෂ්, රාපි, තලාත් මෙහෙමුඩ්, ලතා වගේ ගායක ගායිකාවන් ගැනත් සරාට ඇහුනේ ඔය වගේ වැඩසටහන් වලින්. එතකොට සරා හිච්චි එකා. ඔය දෙගොල්ලන්ගේ එකතුවෙන් හැදුනු සිංදු නම් ඉතින් මල්ම තමයි. සරාලගේ භාශාවෙන් කියනවානම් එයාලා ඇඬෙන්නම දුන්නා. ඔය වැල බෑවුනීලා නටන හෙලුවැලි නැ‍ටුං තිබුනෙ නෑ වගේම පෙන්නපු ටිකත් පෙන්නුවේ කලාත්මක විදිහට. අදකාලේ වගේ මෙසරින් ටේප් එක නැතුවත් දිග පළල කියන්න පුලුවන් කෙරේමෙට නෙමෙයි. කතාව නවත්වලා අපි සිංදුවක් දෙකක් බලමුද ආයිබොවං...

            1955 සැප්තැම්බර් හය වෙනිදා තිරගත වුනු ශ්‍රී 420 චිත්‍රපටයට "මන්නාඩේ" ගායනා කලා. සංගීතය ශංකර් ජායිකිෂන් ප්‍රධාන චරිත රඟපෑවා "රාජ් කපූර්" සමඟ "නර්ගීස්." මෙහි නිෂ්පාදනය සහ අධ්‍යක්ෂනය රාජ් කපූර්ගේමයි.

මෙන්න ඒ තනුවටම නිර්මාණය වුනු සිංහල ගීතය. සරා ගොයියා හරි මිනිහා.... 
ඔන්න මේ සිංදුව දාලා කාමරේ වෙච්ච ජරමරේ ටිකක් බලන්නකෝ.

පැතුමා: ඔය සිංදුව කියන්නේ සමිතා නේද සරත් අයියේ....?
ලසා:  මොන සමිතෙක්ද බං. ඕක චන්ද්‍රලේඛගේ....!
පැතුමා: අනේ පලයන්.. මේ ඉන්ටර්නෙට් එකෙත් තියෙන එක උඹ කොහොමද නෑ කියන්නේ...?
ලසා:  ඉතින් ඉන්ටර්නෙට් එකේ තමයි මම කියන්නෙත්...!
සරා: නවත්තපල්ලා දෙන්නම, ඔය එකෙක්ගේ වත් නෙමේ ඔය සිංදුව.
ලසා හා පැතුමා:   එහෙනම්....?
සරා: අහගනිල්ලා හොඳට. ඔය සිංදුව මුලින්ම කිවුවේ මේබල් බ්ලයිට්. එහෙම කිවුවට එයාගේ සම්පූර්ණ නම මේබල් ජොසපින් බ්ලයිට්. ඔය සිංදුව ඒකාලේ තිබුන දිගම සිංදුවක්. විනාඩි 8ක් දිගයි චිත්‍රපටි සිංදුව. ඒකාලේ කිවුවේ 1956 මැයි 23 තමයි ඔය චිත්‍රපටිය මුලින්ම තිරගත වෙලා තියෙන්නේ. සංගීතය ඒ ජේ ද සොයිසගේ. දෛව විපාකය තමයි ඔය චිත්‍රපටියේ නම. ඔය චිත්‍රපටියට අඩංගුවුන සිංදු ඔක්කොම වගේ ගොඩාක් ජනප්‍රිය වුනා. සාගර හිමිය සොයා, සුරතලියේ සුකුමලියේ, සුදෝසුදු රන්, දොයි දොයි දොයි දොයියපුතා ඒවයින් කීපයක් තමයි. සේනාධීර කුරුප්පුයි, මේබල් බ්ලයි‍ටුයි ප්‍රධාන චරිත රඟපෑවේ. ඇති නේද..?
මුල් ගීයේ අර්ථය මේ සිංහල ගීයේ අඩංගු නැත. එහෙත් ගී දෙකම ලියා ඇත්තේ උපහාසාත්මක අයුරිනි.

මිනිසුනේ මම බේබද්දෙක් කියලා හිතන්න එපා.... මම බිව්වා නෙමෙයි... ඉබේ පෙවුනේ..... චිත්‍රපටය ලීඩර්. මුලින්ම තිරගත වුනේ 1964. නවුෂාද්ගේ සංගීතයට ගැයුවේ මොහොමඩ් රාෆී. ලීඩර් රාම් මුකර්ජීගේ වැඩක්. ප්‍රධාන චරිත රඟපෑවා දිලිප් කුමාර් සමඟ වෛජයන්ති මාලා.


 මේකත් හරි අපූරු සිදුවීමක්. චිත්‍රානන්ද අබේසේකර මුල් ගීය අපූරුවට සිංහලට හරවලා තියෙනවා. P.L.A සෝමපාලගේ සංගීතයට H.R ජෝතිපාල මේ ගීතය ගැයුවේ "ස්වීප් ටිකට්" චිත්‍රපටියට. ස්වීප් ටිකට් බිහිවුනේ ප්ලොරීඩා ජයලත් සමග ලෙනින් මොරායස් සුසංයෝගයෙන්. ජෝ අබේවික්‍රම, විජිත මල්ලිකා, සුදේෂ් ගුණරත්න වගේ අය ප්‍රධාන චරිත රඟපෑවා.




ජීනේ කී රාහ් චිත්‍රපටයට මොහොමඩ් රාෆී ගායනා කල ගීතය සංගීතවත් කලේ ලක්ෂ්මී කාන්ත් ප්යාරේලාල්. තිරගත වුනේ 1969. රඟපෑමෙන් එක්වුනා ජිතේන්ද්‍ර, තනුජා, ජගදීප්.


මෙන්න ඒකට හැදුනු සිංහල සිංදුව. P.L.A සෝමපාලගේ සංගීතයට H.R ජෝතිපාල ගායනා කලා. චිත්‍රපටය සුහද පැතුම. තිස්ස විජේසුන්දර සමග මාලනී පොන්සේකා ප්‍රධාන චරිත රඟ පෑ සුහද පැතුම සිනමා සිත්තම මුලින්ම තිරගත වුනේ 1973 පෙබරවාරි 23. අධ්‍යක්ෂනය කිංස්ලි රාපක්ෂ. නිෂ්පාදනය කලේ කැමිලස් පෙරේරා.

මේ ගීතයේ චිත්‍රපට ජවනිකාව ඇතුලත් ගීතය මෙතනට දාන්න මම උත්සාහ ගත්තත් තාක්ෂණික ගැටලුවක් නිසා එය කිරීමට නොහැකි උනා. ඒ ගැන කනගා‍ටුව.

ඉතින් ආයිබොවං මම යන්න කියලා...
අහ්.. යන්න කලින් මේකත් කියලා යන්නම් කෝ.

මොහොතින් මොහොතට රඟ දෙන්නේ...
දවසින් දවසට පෙරලෙන්නේ...
භවයෙන් භවයට උපදින්නේ...
ඒ මිහිරි අනන්තය හමුවන්නේ...
අපට නැතේ එය හමුවන්නේ..
අපට නැතේ එය ලංවන්නේ..


අනේ ඉතින් සරාට නම් ඔහොම පසුගාමී සිතුවිලි නෑ.ඕනම දෙයක් උත්සාහ කලොත් ලබා ගත හැකිය කියන ස්ථාවරේ ඉන්න ඌ දකින්නේ මේ ජීවිතේදි හැබෑ කරගන්න පුළුවන් හීන විතරයි. තමන්ගේ ප්‍රමාණය නැත්නම් තමන් කවුද කියලා අවබෝධයෙන් ඉන්න සරා බැරිදේවල් ගැන හිතන්නේ නෑ වගේම හිතපු දෙයක් නොකර ඉන්නෙත් නෑ. "උත්සාහවන්ත ජනානං කිම කාරියන්.."

මේකට ගූගල් යාලුවත් මට උදව් කලා ඕං..!

45 comments:

  1. නියමයි සරා , කවදත් වගේම හොද වැඩක් අදත් දීලා තියෙන්නේ,
    ඇත්තටම මමත් අදටත් ආස මේ වගේ පැරණි හින්දි ගී වලට විතරයි , අදකාලේ හින්දි සින්දුත් අපේ අලුත් සින්දුවගෙමයි මෙලෝ රහක් නෑ අහන ඉන්න කොට ඔලුව රිදෙන නිසා අහන්නෙම නෑ,
    ස්තුතියි රසවත් හරවත් පොස්ට් එකට

    ReplyDelete
    Replies
    1. අනික උබත් අර tv ප්‍රෝග්‍රෑම් එක කරන්නේ එයවගේම විස්තර කරලා තියෙනවා ඒ කාලේ මමත් ආසම වැඩසටහනක් භාරත ගී වින්දන

      Delete
    2. ස්තුතියි යාලුවා...! අද වානිජ පරමාර්ථම මූලික කරගෙන නොවැ කලා නිර්මාණ කරන්නේ. ඒනිසයි ඔය. කොහොම උනත් කවුරු හරි මේව ගැනත් අළුත් අයට කියන්න ඕනනේ.

      Delete
  2. සින්දු තොගයයි :)

    අපූරුයි....

    සුභ වේවා!!! රාජ සම්පත් ලැබේවා!!!

    ReplyDelete
    Replies
    1. සුබ වේවා... සාජ සම්පත් ලැබේවා..

      Delete
  3. Replies
    1. හැක් හැක් හැක්... naughty සමනළයා

      Delete
  4. මාත් පොඩිකාලෙ ඉඳලම ආස සිංදුවක් තමයි සරා ගොයිය හරි මිනිහා කියන එක.

    ReplyDelete
    Replies
    1. හා.. භායි සහබ් මුජේබී

      Delete
  5. ලස්සන සිංදු ටිකක්. මාත් පැරණි ගීත වලට ආසයි.

    ReplyDelete
    Replies
    1. සං‍තෝෂයි දැන ගන්න ලැබීම ගැන. සමනළිත් ටිකක් වෙනස් චරිතයක් තියෙන දැරිවියෙක් වගෙයි.

      Delete
  6. සරා ගොය්යා නියම වැඩක්කේ කොරලා තියෙන්නේ... මේව තාම රහයි සරා

    ReplyDelete
    Replies
    1. නෙවෙන්නම් යාළු. තාම රහයි

      Delete
  7. මම නම් හැමදාම මේ ලංකාවේ කලාව ඉන්දියාව මත යැපීම ගැන ඉන්නෙ ලැජ්ජාවකින් සහ කණගා‍ටුවකින්. සංගීතෙන් වැඩි දුර ඉගන ගන්න එකත් යන්න ඕනෙ ඉන්දියාවට. මුල්ම චිත්‍ර පටි හැදුවෙත් ඉන්දියාවට ගිහින් උන්ගෙ ආභාෂය අරගෙන. අපිට සින්දුවක තනුවක් තනියෙම හදාගන්න බැරි කම නිසා හින්දි සින්දු තනු කොපි කරලා හදපු සින්දු තමයි සෑහෙන ප්‍රමාණයක් තියෙන්නෙ.

    මේකෙ ලොකුම අවුල තියෙන්නෙ ඉන්දියානුවො එක්ක සාදයක් හෙම දාන්න ගියාම සිංහල සින්දුවක් කියන්න කිව්වාම සෑහෙන කල්පනා කරන්න ඕනෙ උංගෙන් කොප්පෙ ගහපු නැති එකක් මතක් කර ගන්න.

    උඹලට එහෙම වෙලා නැද්ද?

    ඒ නැත්ත මේක ලැජ්ජාවට කරුණක්. මොකද අපිට මේ තරම් නිර්මාණ බංකොළොත් භාවයක් තියෙන්නෙ කියලා මට හිතා ගන්න බෑ.

    ReplyDelete
    Replies
    1. ඒ උනාට ඩූඩ් ඉන්දියානු රාගධාරී සංගීතය ආශ්‍රය කරගෙන කරපු නිර්මාණ නම් පුදුම විදියට අපේ මනසට කාවැදිල තියෙනවද කියල...අපේ හිතේ නිරායාසයෙන් මතක් වන සිංදු ගැන ආවර්ජනයක් කලොත් දැනේවි.
      හැබැයි හින්දි සිංදු වලට සිංහල වචන දාන ඒවනම්....අප්‍රියයි.

      ඒත් ජෝතිගෙ බොහෝ සිංදු ඒව තමා.

      Delete
    2. @dude

      මේකට නම් උත්තර දෙන්න මට පොස්‍ටුවක් ලියන්න වෙනෝ. හොඳයි මම මේ කොමෙන්‍ටුව අරං තියා ගත්තා ඕං. ඉඩක් ලැබුන ගමන් ඒ වැඩේ කොරන්නම් අයියන්ඩි.

      Delete
  8. මං මේ ස්වදේශ් කියලා හින්දි ෆිල්ම් එකක් බලන ගමන්.. ඇත්තටම 2009න් විතර පස්සේ හදපු හින්දි ෆිල්ම් නම් බලන්න හිතෙන්නෙම නෑ..

    සින්දු ගැන කියාන්ට දෙයක් නෑ අයියා... අහාන්ට විදිහක් නෑ නොවැ.. බයිට් ඉවරායි.. ලබන මාසේ බලඤ්ඤං.........

    ReplyDelete
    Replies
    1. හිකිස්.... මොකෑ බං කුරුණෑගල පැත්තේ නෑ ගෙදරකවත් ගියාද...?

      මට නෑනලා දෙන්නෙක් ඉන්නවා උන් දෙන්නව මතක් උනා කොමෙන්‍ටුව දැකලා.

      Delete
    2. ඒ පැත්තෙන් ගියා.. හි හි

      Delete
  9. මිල්ටන් අයියා කියන ගොඩක් සින්දුත් ඉන්දියන් තනු සහ සංගීත උපුටා ගැනීම්.

    ReplyDelete
    Replies
    1. ගායන ලෝකේ මිල්ටන්ලා තුන්දෙනෙක් ඉන්නවා නොවැ ආයිබොවන්. කා ගැනද කිවුවේ.....?

      Delete
  10. සින්දු ටික නියමයි සරා. සරා ගොයියා සින්දුව අහද්දී ඒ රූප රාමු ටික මැවිලා පේනවා.

    යස කියමනකුත් තියන්නේ අන්තිමට..

    ReplyDelete
    Replies
    1. ස්තුතියි මගේ මිත්‍රයා... මෙහෙ ඉද්දි මට ඔය වගේ කියමන් නිතර පාවිච්චි කරන්න වෙනවා. විශේෂයෙන්ම මගේ කාමර සගයන් දිරි ගන්නවන්න. මම අපූරු පිරුළකුත් දැක්කා දේශකයගේ පෝස්‍ටුවේ අපේ වෙද මහත්මයා ලියලා තිබුන.

      Delete
    2. //මම අපූරු පිරුළකුත් දැක්කා දේශකයගේ පෝස්‍ටුවේ අපේ වෙද මහත්මයා ලියලා තිබුන.// මාත් දැක්ක ඒක. වචන ගණනාවකින් කියන්න ඕන එක වචන දෙකෙන් තුනෙන් ඉවරයි.

      Delete
  11. වෙනදා වගේම බොහොම රසවත් සින්දු ටිකක් ඉදිරිපත් කිරීම ගැන බොහොම ස්තුතියි සරා. සරා ගොයියා ගීතය කියන ගායිකාව චිත්රපිටිවල රඟපෑවා. බොහොම රූමත් නිලියක්. මා හිතනවා ඇගේ නම මේබල් බ්ලයිට් නොව බ්ලයිත් විය යුතුයි කියා. යට සොයුරියක්ද හිටියා ෂර්ලි බ්ලයිත් කියලා. දෙදෙනාම රඟපෑවා. මම කුඩා දරුවකු කාලේ සරාගොයියා සින්දුව රේඩියෝ එකේ යනවා නම් (ඒ කාලේ කොහෙද අපි වගේ දුප්පත් අයට ගීරැංපෝං එකක්වත් තිබුනේ නැහැ) රේඩියෝ එක ලඟින් හෙල්ලෙන්නේ නැතුව අහගෙන ඉන්නවා. අපේ තාත්තා පාසලේ විවිධ ප්‍රසංගයකට පාසලේ සිසුවකු සරාගොයියට අන්දලා නැටුමක් ඉදිරිපත් කළා. එදා සිට මා ඒ සිසුවාට කිව්වේ සරාගොයියා කියලා. ඒකාලේ සරාගොයියා ගීතය (ඔරිජිනල් එක)තිබුණේ ලංකා ගුවන්විදුලි සේවයේ පමණයි. ඒ සින්දුව තිබුනේ විනාඩියකට රවුම් 45 ක් කරකැවෙන තැටියක. සින්දුවේ එක තැනක තියනවානේ අර රාලහාමි 'දඩෝරියන් බිම පෙරලෙයි' කියලා. එතනින් තැටියේ එක පැත්තක් අවසන් වෙනවා. ඉතින් තැටියේ අනික්පැත්ත දමන තුරු ගුවන්විදුලි යන්ත්‍රය නිහඬයි. මට ඒ අතීතය මතක් වුනා.

    ඔබ මෙහි දක්වා ඇති සෑම හින්දි ගීතයක්ම යූ ටියුබ් එකෙන් බාගෙන ඩී.වී.ඩී. ලෙස පරිවර්තනය කරලා තියනවා මගේ ළඟ.

    අසමි දකිමි සොයමි ලියන විචාරක

    ReplyDelete
    Replies
    1. වෙනදා වගේම මුලින් ඔබට බොහෝමත්ම ස්තුතියි කියන්නම් මහත්මයා. මම හුඟාක් කැමති දේවල් ඔබේ මතකයන් තුල තියෙනවා. ඔබේ අකමැත්තක් නැත්නම් සරා ගොයියා වීඩියෝ සහිත ගීතය ඉල්ලන්න කැමතියි මම. (මුල් පිටපත) මොකද එය දැන් යූ බටේ නෑ. තියෙන විකාර දු‍ටුවම....................................ඒවා ඕන නෑ නෙවෙද......?

      Delete
    2. සරා, මට කියන්න කණගාටුයි, මගේ බ්ලොග් එකේ වීඩියෝ අප්ලෝඩ් කරන්න දෙන්නේ නැහැ. ඒ සඳහා වාර්ෂිකව රු 4000 ක පමණ මුදලක් ගෙවා අප්ග්‍රේඩ් කල යුතුයි.

      Delete
  12. Lassanai mahaththayo sindu tika wagema oya karala thiyena wadeth. Sara goiya sinduwata mamath godaak asai.

    Dan thiyena hindi sindu gana nam kiyala wadak na. Kattiyak inna thana balannawath ba. E athin issara sindu koi tharam lassanada koi tharam wadagathda.

    ReplyDelete
    Replies
    1. ඔයා ඉතින් ඒවට කොහොමත් කැමතියි නෙව.

      Delete
  13. මම මේ දැනුත් සින්දු වගයක් අහගෙන හිටියේ..සිංහල පරණ සින්දු උනත් හින්දි තනුවලට කිව්වත් සෑහෙන්න රසයක් තිබුනා නේද?

    ReplyDelete
    Replies
    1. හ්ම් හ්ම්.....නැතුව එහෙනම්.......!!

      Delete
  14. මම ඉස්සර ආසම කරපු වැඩසටහනක් තමා භාරත ගී වින්දන. හුඟාක් ජනප්‍රිය පැරණි හින්දි ගීතනෙ ගියේ. මේ සින්දු ඔක්කෝමට ආසයි. ඇයි මධුමතී චිත්‍රපටයේ සින්දු...ඒවත් හරිම ආසයි අහන් ඉන්න. විශේෂයෙන්ම " අජාරේ පරදේශී " කියන සින්දුව..

    ReplyDelete
    Replies
    1. ළිහිණියා මට නෙවෙයිනේ කිවුවේ..........?

      (වට පිට බලන්න ඕන නෑ මම කිවුවේ ඔය හිංදි වචන දෙක ගැන...)

      Delete
    2. එහෙම කෑ ගහන්න ඕනෙ නංගි බබානෙ අයියේ...හි හි හී

      Delete
    3. හොහ් හොහ් හොහ්....
      අනේ මේ වයසක මිනිහට විහිළු කොරන්ට එපා බොලල්ලා.....

      Delete
  15. ම්..භාරතීය සංගීතයේ අභාෂය ගැන කියන්න දේවල් අපමණයි..ජාතික ගීයේ ඉඳන් හැම ගීතයකම මේ අභාෂය තියනවානේ..

    ReplyDelete
    Replies
    1. එකෙන්ම ඔයා හරි "රූ"

      Delete
  16. අර අන්තිමට රෝසපාට අකුරෙන් දාලා තියන ගීතය මාතර ආච්චි චිත්‍රපටියේ නේද? මිල්ටන් මල්ලවාරච්චි ගායනා කරන්නේ.

    අසමි දකිමි සොයමි ලියන විචාරක

    ReplyDelete
    Replies
    1. මම ඒක නිකම් දැම්මේ ඔය ගීතය ගැන මා ලඟ හරි තොරතුරක් නැති නිසාමයි. ගීත ගබඩාව අවුස්සනකොට හම්බවුනේ. ඒ චිත්‍රපටියේ එම් එස් ප්‍රනාන්දු එහෙමත් රඟපානවා නේද.? සඳකඩ පහනක සින්දුවනම් මතකයි. හොයලා බලන්න ඕන. ස්තුතියි මහත්මයා හෝඩුවාවක් දුන්නට.

      Delete
  17. ඇහ් සමහර එව්වා ඇහුවෙත් අදමයි

    ReplyDelete
    Replies
    1. ඔයාලා වගේ කට්ටියට දැන ගන්න තමයි මලේ මේවා ලියන්නෙත්.

      Delete
  18. ඉස්සර හින්දි සිංදු වල තියෙන්නෙ...අපේ හදවතේ කොටසක් එලියට අරන් සින්දුවක් නිර්මානය කලාවගේ හැඟීමක්.මං කියන්නෙ අහනකොට දැනෙන්නෙ එහෙම.

    ReplyDelete
    Replies
    1. ඇත්තටම ඔව් වීයා.... අපේ සංගීත කලාවේ අංකුර එහෙන් විහිදුන ඒවා නිසා වෙන්නැති ඒ.

      Delete
  19. ගෙදර ගිහිල්ලම අහන්න ඕන සෙට් එකක්.

    ReplyDelete
  20. Pragmatic Play set to release live casino game in - JTM Hub
    Pragmatic 화성 출장샵 Play's live casino game in collaboration with 부천 출장샵 the 서울특별 출장샵 likes of Wolf Gold, Gonzo's Quest, The Catfather, The Lion 대구광역 출장마사지 King, and The 춘천 출장마사지 Dog House

    ReplyDelete

හිතෙන දෙයක් ලියල යන්න....