Tuesday, April 30, 2013

නෙත පිනන රුසිරු වත ඔබෙයි...... (අපේ කතා)




පිය මදහස මුව මුකුළු මවා...
මද සුළඟින් ලදළු බිඳේ...
මගෙ තනිකම පිස ලවන පබා...
මට ගෙන එනු මැනැවි සඳේ...//


හැමදාම කැත කවි කියන මම ඉඳලා හිටලා හරි මෙහෙම වැඩකුත් නොකලොත් හරි නෑනේ. හැබැයි ඉතින් ඇත්තම කියනවා නම් මේකත් මගේ නෙමෙයි.

සියපත් මත ඔබෙ සුවඳ උලා- වන බඹරුන් ඉගිල ගියා...//
පවසනු මැන මට මිහිරි කතා- ඔබෙ හිස මගෙ උකුලෙ තියා...

මේ දවස්වල නංගි බබාගේ කතාවල සරල සාරාංශය මට ඔයාලට කියන්න පුළුවන් හොඳම ක්‍රමය තමයි ඔය. කලිනුත් මම ඔයාල එක්ක කියලා තියෙනවානේ එයා ඔය ගේදොර ඉඩකඩන් යාන වාහන දැසි දස්සෝ ඉල්ලන කෙනෙක් නෙමේ කියලා. ඒවෙනුවට ඇය මාව විස්වාශ කරනවා, ධනාත්මකව හිතන ඉදිරියට යන කෙනෙක් ලෙස. අපේ පහසුවට හෝ අවශ්‍යතාවයකට ගෙදරට යමක් ගේන විට ඒගැන ඇගෙන් කරන විමසීම් වලදි මට ලැබෙන පිළිතුරනම්...

ඔයා කැමතිනම් හොඳයි කියලා හිතෙනවා නම් අපි ගනිමු. එහෙම දෙයක් තියෙන එක වටිනවා ගෙදර. ඒ නැතත් මට පිරිමහගන්න පුළුවන්...!!

හැබැයි පුතේ එයා මගෙන් අනිවාර්යයෙන්ම බලාපොරොත්තුවෙන දේකුත් තියෙනවා. ඔය රෝස පාට අකුරු පේලි පුරාම තියෙන්නේ ඒ කතාව තමයි.


මගෙ හිත ලඟ මල් පොකුරු දරා- ඔබෙ කට හඬ ඇසෙන පැයේ...//
නිදිබර නෙත නිදි නැතිව අයා- මා කලඹයි සොඳුරු ‍රැයේ...

ආදරේ හිතේ තියාගෙන ඉන්න හොඳ නෑළු......!!
ඒක පෙන්නන්න ඕනළු....!!!
ඕං මම නෙමේ කියන්නේ අපේ මායියා.

හ්ම්හ්... වැඩි කතා ඕන නෑ, අපි සිංදුව අහලා බලමු. ප්‍රේමකීර්ති ද අල්විස් මහත්මයාගේ පන්හි‍ඳෙන් ලියැවුනු අකුරු වැලක් ගැයුවා ශ්‍රීමතී තිලකරත්න මහත්මිය. සංගීතය මුසුකලා වික්ටර් රත්නායක මහත්මයා.      



හැබෑවටම අපේ සමීපතමයන්ට ආදරේ දෙන්න අපට බැරිකමක් නෑ. අපි නොහිතම අපෙන් ඒක මඟ හැරෙනවා මිස. ඒත් පුංචි කැපවීමක් තුලින් ඒදේ ඔවුන්ට දීමෙන් අපට ඒ ජීවිත ලොකූ සතුටකින් පුරවන්න පුළුවන්. 

ඇයි අවුල්ද......? හැක්..!! 

***********************************************************************************

කඩි කුලප්පුව හැදුන සමහර වෙලාවට ටිකක් ගෙරෙව්වට මම එයාට මගේ අදහසුත් කියනවා.  
නෑ....... බොරු කියන්න එපා...! 
බොරු නෙවෙයි ඇත්ත!! 
හරි කොහොමද කියන්නේ...? 
ම්ම්ම්... මේං මෙහෙම.... 

නෙත පිනන රුසිරු වත ඔබෙයි... 
සිත එකඟ කරන සිත ඔබෙයි... 
රන් දිමුතු මුතුද ලඟ තිබෙයි... 
මගෙ සියළු දෙයම මතු ඔබෙයි...// 

කොහොමද පැණි පාර..? 
ලෙසටම තියෙනවද..? හැක්... 

විහිළුවක ස්වරූපයෙන් ලිවුවට මොකද අපේ හැබෑම තත්වෙත් ඕකම තමයි. අපේ පුංචි කූඩුවේ සතුට සැනසීම තියෙන්නේ, සරල වුනත් තෘප්තිමත් ජීවිත අපි විඳින්නේ මෙන්න මේ හේතුව නිසා. මම මේ කතා කියන්නේ මගේ පම්පෝරිය ලෝකෙට කියන්න නෙමේ, ජීවිතේ සතුට හොයන අය ගොඩාක් ඉන්නවනේ ආන් එහෙම අයට ප්‍රයෝජණයක් වේවි කියලා හිතලා.  

ගඟ ස‍රැලි නගා වන පෙතේ... 
සිඳු තුරුල වෙතට දිවයතේ... 
මට මෙලෙස වරෙක සිහිවෙතේ... 
ඔබ ගඟය මුහුද මා වෙතේ... 

මුතු මොටද සොඳුර පල නැතී... 
ඔබ කරන විටදි පිය ගතී... 
එනු මැනවි සුළ‍ඟෙ එති එතී... 
මගෙ කුටිය වෙතට දුර ඇතී...     

ලෝකේ හුඟදෙනෙක් හඳ අල්ලන්න හීන දකින කාලේ සරාගේ හීනේ මැරෙන දවස වෙනකම් සතුටෙන් ජීවත් වෙන එක. සරල සැහැල්ලු ජීවිතයක් ගෙවන එක. හැබැයි ඉතින් ගෙදරට ගමට රටට උගෙන් වියයුතු සේවයක් නම් කවදාවත් පැහැර හරින කෙනෙක් නම් නෙමේ සරා කියන්නේ. 
මේ ගීතයත් ප්‍රේමකීර්ති ද අල්විස් මහත්මයාගේ පද සංකල්පනාවක්. එම්.කේ රොක්සාමි මහතාගේ සංගීතයට ගැයුවේ ෆීලික්ස් ඇන්ටන්.   


ප/ලි  

වසන්ත කාලේ සරා පවුලට හරිම විශේෂ කාලයක්. ඒකට හේතු ගොඩාක් තියෙනවා. ඒ නිසා මේ සතියේ තියෙන වැදගත්කම ගැන විතරක් කියන්නම්කෝ මම. ගෙවුනු විසි අටට සරාගේ බ්ලොග් එකට අවුරුද්දක් පිරුනා. උදාවෙන දෙවෙනිදාට සරා ජීවන මගේ තවත් සැතපුම් කනුවක් පහු කරනවා. 
කාට හරි අනුමාණ කරන්න පුළුවන්ද ඒ කීවෙනි එකද කියලා...? 
කවුරු හරි හරියටම කිවුවොත් ආයේ දෙකක් නෑ ගෙදරටම කේක් එකක් ගෙනත් දෙනවා. 
එකෙන්ම....!!!   

ප/ප/ලි 

බල තන්හාව මූලික පරමාර්ථය උනත් ඒක හංගලා වෙන වෙන ආලවට්ටම් වලින් ඕක ඔප දාලා බලය අල්ලන්න දඟලන ඈයෝ කාලෙන් කාලෙට එනවා. එහෙම අය ඕකට කියන ජනප්‍රියම නම තමයි දේශප්‍රේමය. ඊනියා දේශ ප්‍රේමය අපට නැතිකල දේවල් බොහොමයි. උක්ත කලාකරුවාද (ප්‍රේමකීර්ති ද අල්විස්) ඒ අතරින් කෙනෙක්. ඔහු ගැන පොතක් ලිවීමට තරම් කරුනු තිබුනද මේ එයට වෙලාව නෙමේ. නමුත් ඉදිරි දිනයක මා ඔහු ගැන පෝස්‍ටුවක් ලිවීමට සිතා සිටිනවා.

Sunday, April 21, 2013

මේවට දාන්න මාතෘකාත් නෑ මට....

           

            දුප්පතුන්ගේ දුක දන්න මිනිස්සු කියලා  අපේ එවුන් මහ පු‍ටුවලට ගෙනා අය දැන් දුප්පතුන්ටම හිරිහැර කරන්නේ උන්ගේම බඩට ගහන්නේඇයි කියලා හිතනවා මම. මාර වැඩේ කියන්නේ මට හේතුවක් කල්පනාවට එන්නේම නෑනේ. යමක් කමක් පුලුවන් අයට පමණක්ම සහන දීලා බැරි එකාලාව පාගලා මිරිකලා උන්ගේ ජීවිත උන්ටම එපා කරවන්නේ දුප්පතුන්ට ලංකාව තහනම් කලාපයක් කරවන්නද කියලත් හිතෙනවා මට වෙලාවකට. කොහොම උනත් ඕන නැති දේවලට අප්පල්ල වගේ ඇරෙන කටවල් දැන් මෙහෙම දේවලදි ඇරෙන්නම නැති කමින් මට තේරෙන්නේ උනුත් මුන්ට කඩේ යන එකම තමයි කරන්නේ කියලයි. 

           අනේ වාසනාවට මේවා කතා කරන එව්වෝ නම් එකෙන්ම දේශද්‍රෝහියෝ ලේබලයෙන් පිදුම් ලබනවා. ඒත් නොකියා බෑ නොවැ.  
මගේ හිතේ තව වැඩි දොහක් යන්න කලියෙන් නැති බැරි එවුන්ට වෙන්නේ ගඟේ මුහුදේ පනින්න තමයි.


හැබෑවටම මීටත් වඩා ආශ්චර්ය වෙන මොනවද.....? 



 ප/ලි
පොතක් ලියන්න තරම් කරුනු තිබුනට මට හිතෙනවා තේරුමක් නෑ කියලා. ඒ වුනාට මහ එවුන් කියන්නේ කාටවත් ප්‍රශ්න නෑ  ජනතාව සුඛිත මුදිතයි කියලා නෙව, ආන් ඒ නිසා මට පුරස්න තියෙනවා කියලා කාට හරි දැනගන්න මේ අකුරු දහය කෙ‍ටුවා.

Thursday, April 18, 2013

පුංචි කතාවක්.... සත්‍ය සිදුවීමකි.





එතුමා:   !@$$%#%$%^$^((**%&$^%_ **%^$#Hඝ්HEඨ්$%#       %$#%^$^$%$%Fඝ් SWර්‍% W#$@  #$&$%@$%@%^.......!!!!  

ඔහු තවත් අයෙකු සමග ආඩපාලි කියමින් සිටියේ මගේ කාමර සගයෙකුටය. හෝල් වේ එකේ ගමන් කරමින් සිටි මට තේරුම් ගියේ ඔහු යන්නේ මගේ කාමරයට දෙසට බවයි. ඔහු කෝපයෙන් පසුවන බව හැඟුනෙන් මා ඇමතුවෙමි.

සරා:   ආ.... යාලුවා මොකෝ මේ....? 

එතුමා:  අනේ මේ පලාන්ඩ අප්පා ....!! අපිට හරී කරදර තමා ............ගෙන්..! 

සරා :   අර මොකෝ.. මොකක්ද සිද්දිය...? 

එතුමා: මේ පොදු පලේ පොදු පලේ කිය කිය ඒක නරක කොමෙන්‍ටු තමා දානවා අපිලට...!  

සරා:   අනේ සොරි වෙන්ඩ ඕන යාලුවා. ඔයා දන්නවනේ මට ඔය ෆේස්බුක් නෑ. අනික මම ඔය දේශපාලනේ ගැන කතා කරන්න කැමතිත් නෑ ඒවයෙන් මට වැඩකුත් නෑ. ඒ නිසා ඔය ගැන මට මොකුත් කියන්න බෑ..! 

එතුමා:   අද ෂරී.. බට්.. අපිලට දැන් හොඳටම ඇති වෙලා තමා තියෙනවා. ඔයාලා කියන්ඩ අප්පා මේම මේම කරන්ඩ එපා කියලා. අදර්වයිස්  අපිටත් ගාන්ඩ තමා වෙනවා...!  

සරා:   හ්ම්.... ඒකත් එහෙමද... ? එහෙනම් ඉතින් මේකත් කියන්නම වෙනවා නෙව..! මට නම් ඉතින් හැම ජාතියෙම යාළුවෝ ඉන්නවා. ඒනිසා ඔය පක්ෂ වලට සංවිධාන වලට දරදිය  අදින්නවත් ඒකලාට කඩේ යන්නවත් මගේ කැමැත්තක් නෑ. හැබැයි ආයිබොවන්ඩ ඔහේලගේ ආරවුල් මගේ නිදහසට බාදාවක් හරි මට කරදරයක් උනොත් හරි මම ගහනවා, මොකාට උනත් ගහනවා. නොකිවුවට ඔහේලා දන්නවනේ සරා ගෙදරට ආව සූදුව වලං විකුනලා හරි ගහන ජාතියේ එකෙක් කියලා...!  කාටවත් කරදරයක් නැති අපට කරදරයක් නැතිව ඉන්න තිබුනොත් තමයි හොඳ. 


ප/ලි 

මේ ඊයේ පෙරේදා සිදුවූ සිදුවීමකි. කාලෙන් කාලෙට එක එකාට එක එක ලෙඩ රෝග වැල‍ඳෙනවාය. ඒ ඒකලාගේ පැවැත්ම උදෙසාය. උන් ලොකු එවුන්ය.උන් හැමදේම කොරන්නේ යටිකූට්‍ටු අරමුනු ඇතිවය. පොඩි එකාලා ගැන හැබෑ කැක්කුමකින් යමක් කරන එකාලා දැන් කාලේ නැතිය. ඒක තේරුම් නොගෙන තප්පුලන එකාලා නිසා අපටද වදේය. එහෙත් මගේ නවාතැන අභියස එක එකාලාට උඩුබුරන්නට හැර බලා සිටීමටද මට හැකියාවක් නැතිය. මන්ද එය මගේ ආත්ම ගෞරවයට හානියක් බැවිනි. අද මෙවන් වූ තත්වය නුදුරේ ජාතික ප්‍රශ්ණයක් වෙනවාය. එදාට ඒ ගැ‍ටුම් වලට මැදිවන්නේද මේ කිසිවකට සම්බන්ධ නොවූ අපම නොවන්නේද....? එදාට මේ දඩ බල්ලන් මෙන් සාමාන්‍ය එකාලාව උසී ගන්වන මහ එවුන් කී දෙනෙක් අප අතර සිට මේ ගැටළු නිරාකරනය කරාවිද....?



ප/ප/ලි: 

මහ එවුන් කරන දේවල් තමන්ගේ වගේ කරගෙන ඒවා තමන්ගේ ඇඟට අරගෙන අහල පහල වෙසෙන තම හිතවතුන් සමඟත් ආරවුල් ඇතිකර ගන්නට තතනන අපේ එකාලාද මේවායින් බලාපොරොත්තු වන්නේ මොනවාදැයි මට නොවැටහේ.මේ පිටට එන්නේ තමන්තුල ඇති බෞද්ධකම හෝ දේශ හිතෛශී භාවය නම් මුන්ට කලහැකි බොහෝදෑ ඇත. කරුමය නම් මේකලාට ඒවා නොපෙනීමයි. යමෙක් පෙන්වන්නට උත්සාහ කලද එය නොතකා හැරීමයි. උන්ටද ඇවැසි මහ එවුන්ගේ පැවැත්ම වඩ වඩාත් තහවුරු වන ලෙස අපවද අඳුරෙන් අඳුරට ‍රැගෙන යාමටයි.



Monday, April 8, 2013

සරාට මොකද උනේ......??





හැමදාම හැම වෙලේම ගූගල් ගොයියත් එක්ක හිටපු නිතර බ්ලොග් ලියපු කියවපු සරාට හිටි ගමන් මොකද උනේ......? 
දැන් මේකා දකින්නවත් නෑ නොවෑ....! 
ගං වතුරකට ගහගෙන ගෙහුංද... නැත්නම්වැලි කුණා‍ටුවකට අහුවෙලාද...? 
නැත්නම් සුනාමියකට... ! 
වෙන්ඩ බෑ...! මැදපෙරදිග රටක නෙව ඉන්නවා කිවුවේ...! 
මේකට මං මුලා වැලක්වත් පෑගිලා කොලෑ උනාවත්ද කාන්තාර මැද්දෑවේ....නැතිනම් මේ අහ කරක් ගහන්ට නෑවිදින් ඉන්නේ නෑ මේ ගොබිලා....! 
පහුගිය ටික දොහේ ඕං ඔය විදිහට හිතුන අය හිටියා අපේ බ්ලොග් මිතුරු මිතුරියන් අතරේ. ඒත් කියන්ට කනගා‍ටුයි ආයිබොවන්මට ඔහොම අලකලංචිනම් සිද්ද උනේ නෑ ඕං. හෙනං අහවල් ගුබ්බෑයමේ රිංගලාද බොල පේන්න නොහිටියේ.....?
 තරහ අවසර... ටිකක් හිටින්ටකෝ ආයිබොවං කියනකල්....! 
මේ දවස්වල මම මගේ ඇක්සිට් පේපොස් වල වැඩ කොරගන්නවා නෙව. හපොච්චි තාත්තේ ඒවට තියෙන අමාරුවක්. ඉස්සර මේ වැඩටික කොරගන්න ගියේ සතියයි. දැන් ඒ තැන්වල හිටිය පොරිනර්ස්ලා අයින් කොරලා ඒ තැන්වලට ස්වදේශිකයෝ ඔබලා. මල ^$%#%^$&*ඨ්^ මේIHIඝ්Fඪ්ඝ් මෙලෝ වැඩක් කොරන එවුන්යෑ. මම දැන් සති ගානක ඉඳන් එහෙට මෙහෙට දුවනවා හරියට අහවල් එක කැඩුන කඩියා වගේ. ඒ අස්සෙන් සමර් සීසොන්. ATC කොරන එකා මම උනාට මොකද ආයිබොවන් මේ දවස්වල මගේ temperature එකත් නහුතෙටම නැගලා. වැඩ කෙරෙන්නම ඕන තැන් වලට වැඩ නොකරනම උන් දැම්මම වෙන සංතෑසිය මම නොකිවුවට ඔය ඇත්තන්ට හිතාගත හැකිනේ. ඕං බැරි කෙනෙක් ඉන්නවා නම් හෙට අනිද්දා මම ගමරට ආවම නිදහසේ අහගන්ටකෝ. කොහොමත් මට කියන්ට කතා බොහොමයි. හිතේ ආවෙගෙත් එක්ක ලියලා ආයි මෙච්චර ආසාවෙන් කොරාගෙන යන බ්ලොග බොග කරගන්න මගේ කැමත්තක් නෑ. වෙහෙරක් ගිල්ල මට අග්ගලාවත් කජ්ජක්ද කියලා ඔන්න ඔහේ මේ ටික දොහත් ඉවසා වදාරනවා.

එහෙනම් සියළු හිත මිත්‍රාදීන් සරා සමඟ අමනාප නොවෙත්වා. ලබන්නාවූ සිංහල හිංදු අලුත් අවුරුද්ද සැමට කිරියෙන් පැණියෙන් ඉතිරෙන සුභම සුභ නව වසරක්ම වේවා...!!! 

පුළුවන් එකෙක් ඉන්නවා නම් මට කැවුම් ගෙඩියක් කොකිසක් ඉර‍ටුවකවත් ගහලා තියලා තියාපල්ලා. ගම රට ආවහමවත් කන්න. 


ප/ලි 

ඔය කිවුවට මට මුන්ගේ වැඩ මතක් වෙද්දි අම්මාපල් මුන්ගේ ර්‍Sඨ්SF Hඣ්F්‍යඝ්Fඨ්ඪ් ඨ්EASEර්‍ SFHඣ්ඝ්ඣ්ඝ්Hඣ්ඝ්Hඣ්ඡ්SEර්‍EVඹ්Vඣ්Vඪ්ථ්Vඛ්භ්Hඣ් F්‍යඨ්Eර් WEර්‍ර්‍Eඨ්ර්‍්‍ ය්‍ය*&^&^ #$Fඣ්ඝ්්‍යර්‍   $$%SFඛ්Hඣ්ඛ්H ඛ්ඣ්ඝ් ඣ්HF^Eර්‍IUඝ්HFF්‍යඪ්FE$%E්‍යඝ්්‍යFර්‍Eර්‍්‍යඝ්්‍යF%^E%$&*UI්‍යIUඝ්Iඝ්H්‍         යඨ්&^ර්‍^WEඪ්්‍යඝ්Uඛ්HHU*(&*(^^ර්‍ඨ්්‍යF්‍යI
HIළ්H්‍යF% ^FUF්‍යඝ් Uඛ්HUඛ්ඝ්ඨ් ඪ්Wර්‍ESඝ්ඡ්FHඣ්ඝ්ය්ෆ්ය් ට්ඩ්ට්ඩ්ජුHඝ්ට්ය්ඩීට්ස්ට්ය්ෆ්ජ්ක්බ්ම්  ජ්ව්ෆ්ංඑස්ර්බ්ව්හ් ජ්ච්ව්ර්සෙ ර්ංහ්ව්හ් ජ්ග්ෆ්හ්WAWE W^ර්‍&^ඨ්^*ර්‍$%Wඨ්්‍යVHඛ්භ්Hඣ්ඝ්ඛ්ළ්HO්‍ය*(්‍යUඪ්ර්‍SEර්‍SWFHඣ්Vඝ් තේරුනාද....? නැතත් කමක් කමක් නෑ මම ඇවිත් තේරුම් කොරලා දෙඤ්ඤං...



Tuesday, March 19, 2013

අනේ ඉතින් අමනාප වෙන්ට කාරි නෑ ආයිබොවං.....!




          මේ අපේ කාලේ බොහොම ජනප්‍රිය සිදුවීමක එක් පැතිකඩක්. කලින්ම කියඤ්ඤංකෝ මේ මට පේන හැටිම විතරයි. කොහොමත් අමුතු අදහස් දරන මට එච්චරම හරි නෑ වගේ දැනුනට ඒවාහරි ඇති සමහරුන්ට කොහොම උනත් මම මගේ අදහස කියනවා. මෙන්න කතන්දරේ. මෙහෙ මාත් එක්ක වැඩ කරමින් හිටි කීපදෙනෙක්ම පහු ගිය කාලේ වැකේෂන් ගෙහුං ආවේ සරණ බන්ධනේටත් ඇතුල්වෙලා. සමහරු පෙර සූදානමකින් යුතුව මේ කටයුතු කරලා තිබුනා වගේම ඇතමෙක් හදිසි තීරණ වලට අනුවත් විවාහ වෙලා තිබුනා. පුරස්නයක් නෑනේ ආයිබෝවන් කොහොම උනත් වැඩේ හොඳ වැඩක් වගේම වියයුතු දෙයක්. ගෑණුළමයි, පිරිමි ළමයි කියලා භේදයක් නැතුව නිසි කලට ආවාහ විවාහ කෙරෙනවානම් තමයි හොඳ. නැතිනම් ඉතින් දත්නැතිදා උක් දඬු ගිනි තපින්ටද......?
හෙහ් හෙහ්....

ඔය කිවුවට ඕකත් නෙමේ පුරස්නේ මේ වගේ ජීවිතේ අතිශය වැදගත් අවස්ථාවලදී මේකලා කොරන මරි වැඩ ගැන, තව විදිහකින් කියනවානම් රටට ලෝකෙට සපයන විහිළු ගැන. මම ඕක විස්තර කොරලම කියඤ්ඤංකෝ තේරුම් ගන්න පහසු වෙන්න. 

          ඔය ඉහතින් කියන්නට යෙදුන මංගල්ල කීපයකම වීඩියෝ හා පොටෝස් බැලීමේ වරම භාග්‍යය මටත් උදා වුනා කියමුකෝ. හත්තිලවුවයි ඒවයේ තියෙන විකාර දැක්කම අවීචියට හරි කමක් නෑ මෙහෙම නරි නාටක නැති තැනකට ගෙහුං ජීවත් වෙන්න ඇත්නම් කියලා මට හිතුනා. මෙහෙමයි.....

ජීවිතේ එකම එක වරක් පමණක් (අපි වගේ එවුන්ට) උදාවෙන මේ ප්‍රීතිමත් අවස්ථාව තමන්ට හැකි උපරිමයෙන් කරන එක ගැන නම් මගේ අකමැත්තක් නෑ ආයිබොවන්. ඒක එහෙම විය යුතුයි. ඒත් හත්තිලව්වේ මේ විසූක දස්සන......? එවුවා දැක්කම මට හිතෙන්නෙම මේ දෑස මක්කටද කියාය. තේරෙන හිංගලෙන් කියනවා නම් අනාදිමත් කාලයක සිට අපේ රටේ ආවාහ විවාහ කෙරුනේ දේශීය සම්ප්‍රදායන් වලට. කාලයාගේ ඇවෑමෙන් ඕකට බටහිර හා ඉන්දීය සම්ප්‍රදායන්ද එකතු උනා. කාටවත් වරදක් නොපෙනුන එකේ අපි ඕක හරියි කියමුකෝ.. අනේ අපොයි දැන් දැන් ඕවා අස්සට කොහොඹා කංකාරිය, වඩිග ප‍ටුන, දහ අට සන්නිය වගේ දේවලුත් එකතු වෙලා වගේය. මම ඇහුවා ඇයි කියලා..
මේ දේශීය කෙරේමෙලු.
දැන් හැමෝම කොරනවත් එක්කලුනේ. 
හැබෑද....?
එහෙනම් දැන් මොකෑ ආයිබෝවන් කොරන්නේ......?
ඔන්න ඔහේ මේකටත් හා කියලා මේ අලුත් දේවළුත් කොරලා බලමුද.....?

සීයට සීයක්ම දේශීයයිලු. හරි එහෙනං... ඔහේලගේ කැමැත්තක්...!    

    මේ ටිකත් අහන්ටකෝ අපේ හාදයෝ ගැන.ගොඩ දෙනෙක් විදේශ ‍රැකියාවලට එන්නේ නහය ගාවටම ගැළුවට පස්සේ. විශේෂයෙන්ම මෙහෙට. මෙහෙ ඉන්න ගොඩ දෙනෙක් කියන්නේ තමන් එද්දී ඉඩමේ ඔප්පුව උගස් කරලා ආවය, හතර අතට ණය වුනාය ඕං ඔහොම කතා. හැබැයි ඇවිත් ටික දෝහක් යද්දී ඔය සේරම අමතකයි. එහෙනම් ඉතින් ආපු ගමන් තමන්ගේ තිබුන පුරස්න සේරම ඒ අය විසඳගෙන ඇති...!!
එහෙමද...?
අපොයි නෑ. රියාල් ටිකක් යහමින් අතගෑවෙද්දී අර සේරම අමතක වෙලා. ගමේදි ගෝල්ඩ්ලීෆ් බීපු එකාට දැන් ගොල්ඩ්ලීෆ් වහ කදුරු ගානයි. එයාට ඕන බෙන්සන්, මෙල්බරෝ, එල් එම්. ලංකාවෙදි දවසට සිගරට් දෙකයි. දැන් මෙහෙදි දවසට පැකට් දෙකයි. අවුලක් නෑ පැකට් එකක් රියාල් අටයි නමයයි. කන්ඩ අතේ සල්ලිනෑ ඒත් හවසට කෑල්ල ගහන්න. කොහොම හරි රියාල් පණහක් එකතුකර ගන්නවා. කොහොම හරි ගෙදරටත් කීය කීය හරි යවලා, දෑවුරුද්දෙන් වැකේෂන් යද්දි ඉතින් වටේම ණයවෙලා තමයි ගානක් එකතු කර ගන්නේ. ඔහොම ගෙහුං තමයි ගොඩ දෙනෙක් ඔය සරණ බන්ධනේටත් ඇතුලු වෙන්නේ. අවුලක් නෑ ඊට පස්සේ හරි ජීවිතේ ගැන බරපතල විදිහට හිතයි කියලා අපි හිතමුකෝ නේද..?

ඒත් ආයිබොවන් අච්චර පුරස්න තියාගෙන මෙහෙන් යන එකා කොරන්නේ මොනාද කියලත් ටිකක් කියන්නද...? 

      හොයාගත්ත මනමාලී පොලොන්නරුවේ. එයාට අන්දන එක්කෙනා එයා ‍තෝරන් තියෙන්නේ ගලපිටමඩින්. බකලවතී ළු. එයාලු දැන් ඉන්න හොඳම කෙනා. පොටෝවලට මට්ටක්කුළියේ කුට්ටමනී. සුපුරිම වැඩ්ඩලු ගාන ටිකක් සැරයි. හනිමූන් තලවා කැලේ. හෝම්කමින්ග් එක ආගරපතනේ. ඇයි බං ඔය හැමදාටම බෑන් චූන් ගහන්නත් එපායෑ. එහෙම නැත්නම් හරි නෑ නේ. කොල්ලන්ට පොඩි මzසා එකක් තියෙන්න ඕන නෙව. හත්තිලවුවේ ඔය ඔක්කොම කොරන්න මේ ගෙනාපු සල්ලිටික හොඳටම මදි. ඉතින් මොකද ගන්නවා ණය හතර අතින්ම නෑදෑයන්ගෙනුයි, හිතවතුන්ගෙනුයි පොළී මුදලාලිගෙනුයි. උනුත් දෙනවා ලෝස් නැතුවම. ඇයිබං රට රස්සාවල් නොවැ මේකලා කොරන්නෙත්. කොහොම කොහොම හරි මගුල කාලා මුං හූනෝ වගේ මෙහෙ ආවට පස්සේ තමයි ඉහ මොල රත්වෙන්නේ.

           ඊලඟ මාසේ ඉඳන් පඩි අරගෙන ගෙදර යවන්න විදිහක් නෑ මෙහෙ ණය කාරයෝ ඉල්ලනවා උන්ට දෙන්න ඕන. ගෙදර උන්දැත් නිතරම පොලී සල්ලියි ණය අහන අයයි මතක් කරනවා. ඇයි ඒ මදිවට බැංකුවට තියපු ඉඩම. හැක් පොලී ගෙවගෙව උන්නා මිස ඒක බේරුවෙත් නෑනේ. මුළු කොන්ත්‍රාත් කාලෙන් ඉතිරි අවුරුදු අටම මෙහෙ ඉන්න ඕන මේ සේරම ගෙවලා ඉවර කරලා නිදහස් වෙන්න නම්. තමන්ගේ ජීවිතේ හොඳටම විඳින්න තියන කාලේ දෙන්නා දෙමහල්ලෝ දෙපැත්තක විඳෝනවා. මගේ ලඟ ඥාතියෙක් ඔය වගේ විදේශයක ඉඳන් ඇවිත් ඉහතින් සඳහන් කොරපු විදිහේ විසූක දස්සන සහිත මගුලක් කොරලා අවුරුදු එකහමාරක් විතර ලංකාවේ ඉඳලා ණය ගෙවා ගන්න බැරිම තැන ආයෙත් රට ගියා. 

            ආයිබොවන් තමන්ගේ තරමට හැකි උපරිමෙන් කොරනවා හැර තමන්ට වඩා ලොකු වැඩ කරන එක මෝඩ කමක් කියලා මට හිතෙන්නේ මගේ මෝඩ කමටද නැත්නම් පොඩි කාලේ මගේ ඔලුව මොකක හරි වැදිලා වෙච්ච අවුලක් නිසාද මන්දා නේද...?   අනික තමයි දැන් මෙහෙම උත්සව වලදි හැමදේම ඕවර් යන එක. කෙලවර වෙද්දී මගුල් ගෙවල් මලගෙවල් වෙලයි නවතින්නේ. මේ ඊයේ පෙරේදත් මම පිළියන්දල පැත්තේ එහෙම සිද්දියක් දැක්කා නිවුස් වල.ඕකට කියන්නේ ජයපැන් බොනවා කියලා කියලයි මගේ සමීපතම ඥාතියෙක් කියන්නේ. ඒකනිසා අරක්කු එහෙම ඔය තැන් වලට එපා කියලා මම කියන්නේ නෑ. අනික අරක්කු වැරදි නෑ නේ. ඒවා පමණට අරන් හරියකාරව නොහැසිරෙන එවුවන්ගෙයි වරද.. බලන්න එද්දී ටයිකෝට් දාලා සිංහ සෙයියාවෙන් එන මහත්තැන්ලා ඩ්‍රින්ක් එකට සෙට්වෙලා ටික වෙලාවක් යද්දී බයිට් කාලා අත පිහදාන්නේ ටයි එකෙන්. තවත් ටික වෙලාවක් යද්දී. කානුවක් පල්ලේ. මම ගෙවල් වලට ගෙහුන් දාලා තියෙනවා අනන්ත ස්වීට් මූණු බල්ලෝ ලෙවකනවා බලන් ඉන්න බැරි කමට. 

අනේ මේවා නිසා අපේ කමට වෙන හානිය.......??????



ප/ලි     

රටට ලෝකෙට අඬ බෙර ගහලා මගුල් කාලා පහුදා ඉඳන් ණය කාරයන්ගෙන් වහන් වෙවී ජීවත් වෙන එකේ තේරුමක් නෑ වගේ නේද ආයිබොවං. ඊට වඩා නරකද තමන්ගේ තරමට ගැලපෙන අපේකමත් ‍රැකෙන විදිහට වැඩේ කරලා පහුවදා ඉඳන් ඔළුව කෙලින් තියාගෙන පාරේ බැහැලා යන එක. මම හිතන්නේ මේ ගැටළුත් ගොඩාක් අඩුවේවි එහෙම උනොත්. 

එහෙනම් සරාට ගෙහුං එන්ට අවසර..........!!!




Thursday, March 14, 2013

සිඟිති පොල (උදම්සගෙ විත්ති)



මේ ඊයේ පෙරේදා දොහක ඔය වටද්දර කියන හරියේ සිඟිති පොලක් පැවත්වුවා කියලා ආරංචියක් සරාට ලැබුනා. රේඩියන්ට් පෙර පාසැලේ සිඟිති බක්මහ උලෙලට ආධාර පිණිස ළුනේ ඕක පැවැත්වුවා කියන්නේ. තම තමන්ගේ අවශ්‍යතා සපුරා ගැනීමට තමන් විසින්ම උපයා සපයා ගැනීමේ වටිනාකම පුංචි ඈයොන්ට උගන්නන මහන්සි ගන්න කට්ටිය තමයිමේ.

ඕං ඉතින් පැංචො පැංචියෝ මෙයාලා හඳුන්වන ආකාරයත් එයාලගේ හැබෑ නම් එක්කම ඔයාලට මම කියනවා . පිලිවෙලින් වමේ සිට පොඩි ටීචර්- අශ්‍රී උවේන්. සුදු ටීචර්- චාරිකා. ලොකු ටීචර් - අසෝකා. මෙයාලා තමයි රේඩියන්ට් පෙර පාසැලේ දරු දැරියන්ට සිප්සතර දෙන්නේ.
       
අපි බලමුද පොඩ්ඩක් පොලේ වගතුගත්.           


ඔය තියෙන්නේ, සේරම ගමේ ගොඩේ එලවළු පළතුරු. කිසිම රසායන ද්‍රව්‍යයක් අඩංගු නැති පොලොස් ගැට කෙසෙල්මුව, පළාවර්ග, සුපර් මාර්කට් වල මාස ගනන් තැම්බි තැම්බි තියෙන ඒවා වගේද බලන්නකෝ මේවා.         



 හහ්...! ඇයි ඒවා වගේද මේවා බලන්නකෝ..! එළවළු පළතුරු විතරක් නෙමේ රස කැවිලිත් තියෙනවානේ. මොනවද මේ.. හැලප. වාව් වඩේත් තියෙනවා.ෂහ්... කටට කෙලත් උනනවා දැක්කම...!     


අප්පද බොල..... මේ හැලප මුදලාලි නම් ටිකක් ලැජ්ජාකාරියක් වගේ.හපොයි ඔහොම ඉඳලා නම් බඩු විකුනන්න බෑ. පොඩි හිනාවක් එහෙම දාලා තමයි පාරිභෝගිකයෝ අල්ලගන්න ඕන. අනික් මුදලාලිව ටිකක් දැකලා පුරුදුයි වගේ නේද....? මිල ගනනුත් පේන එකේ බලමුද මෙයාලා විකුනණ දේවල් වල මිල ගනන් කොහොමද කියලා. පොල් රුපියල් 25/=, පොල්කොල වලින් වියාපු වට්ටියක් රු:35/=, වඩයක් රු:8/=, එතකොට හැලප...? ඒවනම් එකක් රු:20/= තව ගස්ලබුත් තියෙනවා. මේවා ගහේම ඉදිලා අතින් කඩාපු ඒවා. කාබයිට් ගහලා නෑ. නැවුම් එළවළු පළතුරු පොඩි අය වගේම නැවුම්.

ඔය ඉන්නේ ඒ පුංචි මුදලාලි. තාත්තගෙයි අම්මගෙයි හීන කන්දේ අයිතිකාරි. අම්මා රෑ දවල් දෙකේම ඇස් මානෙන් ඈතට නොයවන, ලඟ නැතත් තාත්තගේ හිත ලඟ ඉන්න පුංචි උදම්සා.

ඔන්න ඉතින් ඉස්කෝලේයාළුවෝ කීප දෙනෙකුත් ඉන්නවා .


නැන්දලා මාමලාට කියන්නත් අමතක වුනා එයාව මේ ඊයේ පෙරේදා අපි දහම් පාසැලුත් යවන්න පටන් ගත්තා. පුංචි දවස් වල ඉඳම්ම බණ දහම් ඉගෙන ගන්නත් එපායෑ නේද..

ගෙහුං එඤ්ඤං.....!!


 මෙයා අලුතෙන් බ්ලොග් එකක් ලියන්න ගත් කෙනෙක්. පුංචි අතදීමක් විදිහට හිතලා ඒ පැත්තේ ගෙහුං මොනා හරි කියලා එනවා නම් වටිනවා. 
http://senehasakata-aruthak.blogspot.com/

Tuesday, March 12, 2013

කොපි කරනවද... ? දෙන්නම් ජම්බු....!!!

       


    ඕං මම මුලින්ම කියනවා මේක ලියන්නේ කිසියම් ජන කොට්ඨාශයකට අපහාසයක් කරන අරමුණින් නම් නෙමේ. මුදල් ඉපයීමේ අරමුණින් කුප්ප වැඩ හා කපටිකම් කරන අනෙක් අයව රවටන්නට උත්සාහ කරන ඇතැම් මිනිසුන්ව උපහාසයට ලක් කිරීම තමයි මගේ අරමුණ. ඒවගේම මේ සිද්ධිය කතාවකට හරවලා ඔයාලට කියන්න අදහසක් එන විදිහේ කොමෙන්‍ටු දමාපු "සමනළී නගාටත් ප්‍රසන්න මිතුරාටත්" ස්තුතියි කියනවා ඕං මුලින්ම. 

සභාවෙන් අවසරයි මම මෙතනට පැමිණියේ කොම්පියුටර් හෝදලා මට වෙච්ච රසබර සිදුවීමක් ඔබ හමුවේ තබන්නටයි. අපි ඉක්කෝලේ යන සංදියේ උදේ ‍රැස්වීමෙදි කතා පවත්වන්නේ ඔහොමයි. ඒක මතක්වුනා මට..... හැක්... එහෙනම් ඕං ඈ..................................................  

      සරා ඕනම දෙයක් නැවුම්ව තියාගන්න මනාප හාදයා. මේ "කොමා"වත් ගෙදරට ගෙනා දවසේ ඉඳන්ම සුද්ද පවිත්තර නොකලෙත් ඒක නිසා කියලා නොවැ ඌ කියන්නේ. ඒ උනාට ඉතින් ඕක දූවිලි වැදිලා බොහොම කැත වෙලා තිබුනේ. ඒක නිසා ලාස්ට් වීකෙන්ඩ් එකේ නෙමේ ගිය සති අන්තයේ මම කොමා පුවක් කෑලි වගේ චූටි කෑලිවලට ගලවලා කෑල්ලෙන් කෑල්ල කෑල්ලෙන් කෑල්ල සුද්ද කොරලා හයි කෙරුවා. කීබෝර්ඩ් දෙකක් පාවිච්චි කො‍රැව්ව නිසාත් ඔය දෙක ගාර්බේජ් එක වගේ තිබුන නිසාත් ලික්විඩ්සෝප් එකකුයි බ්‍රෂ් එකකුයි ඇන්න ටිකක් සෙනග වැඩි වෙලාවක් බලලා ගියා වොෂින් ඒරියා එකට. ඊට පස්සේ හොඳට සබන් දදා හේදුවා කීබෝර්ඩ් දෙක. කට්ටිය ඔ‍ටුවෝ වගේ බෙල්ල දික්කර කර බලද්දී මම "නොදු‍ටු නියායෙන්"පෙන දාන්න අතුල්ල අතුල්ල හේදුවා. මගේ හිතවතුන් කිහිප දෙනෙකුත් ඇවිත්... 

ආ සරා මොකද කරන්නේ...? 
කොම්පියුටරේ ගෙනාවටම පස්සේ හෙදුවේ නෑ බං, මම මේ හෝදලා දැම්මා හෙට අනිද්දා ලංකාවට පටවන්නත් ඕනනේ ඒනිසා....! 

කියලා වම් ඇහත් වහලා පොඩි ඉඟියකුත් කලා. අරුන් කට කනගාවට අරගෙන ගියේ යමක් තේරුන නිසාද කිසි දෙයක් නොතේරුන නිසාද කියලා නම් මම තවම දන්නේ නෑ. මට කොයින්ද අප්පා ඕවා හිතන්න තරම් වෙලාවක්. කොමා හයි කොර ගන්නත් එපායෑ. කොහොමින් හරි හවස් වෙනකොට වැඩේනම් ගොඩ, වින්ඩෝස් දාලා ස්කයිප් හයිකොරාගෙන හිටියා කලින්ම. හත්තිලවුවයි නැතිනම් ආන්ඩු පක්ෂෙන් කේස් නෙව. අභ්‍යන්තර ගැටළු.. !!

                                  ********************  

           සෙනසුරාදා මම පුරුදු පරිදි වැඩට ගියා. හවස ඇවිත් මායියත් එක්ක ස්කයිප් දොඩ දොඩා ඉද්දි එකෙක් මාව මුණ ගැහෙන්න ආවා. බිසීද අහලා යන්න ගියා, තව ටිකකින් තව එකෙක් ආවා පස්සේ එන්නම් කියලා පොරත් ගියා. ඊට පස්සෙත් දෙතුන් විඩක්ම කාමරේට එබුනට ස්කයිප් කතාව ඉවර වෙනකම් මම නෙමේ ඇයි කියලාවත් ඇහුවේ. වරදක් හිතන්න ඕන නෑ ඔයාලා මා ගැන දේසේ හැටියට බාසේ කියලා කතාවක් අහලා ඇතිනේ ඔයාලා මේ ඒ තියරිය හොඳේ. අන්තිමේ අර කලින් ආපු හාදයා ආවම මම ඇහුවා මොකද ප්‍රශ්නේ කියලා. 

මහත්තයෝ මගේ කීබෝර්ඩ් එක වැඩ කරන්නේ නෑනේ...! 

මුගේ අම්...... වෙන වෙලාවට මූණට මුලිච්චි උනහමත් අහක බලන් යන එකා දැන් මට මහත්තයාලු.... 

හරි එහෙනම් ගේන්නකෝ බලන්න...! 

ඔහු එය ‍රැගෙන ආවේය. මගේ මැසින් එකට එය සම්බන්ධ කලවිට එයද "බුල" ගහන්නට පටන්ගත්තේය. 

මොකද වුනේ....? 
මොකුත් නෑ මහත්තයෝ, මම දවල් ඕක හේදුවා විතරයි....! 
අම්මපා....... ඇයි හේදුවේ....?  
 නිකන් ඉතින්.... ඇයි මහත්තයත් එදා හේදුවේ.....! 
මේක හරි වැඩක් නේ, ඇයි යකෝ මම හේදුවා කියලා තමුසෙත් හෝදන්න ඕනද...? 
පොඩ්ඩක් ඉන්නවා බලන්න....! 

පසුපස ඇණ ටික ගලවා මම කීබෝර්ඩ් එක මස් කලෙමි. හුටා.... දෙන්නෙකුට නාන්න වතුර ඒක ඇතුලේ. 

ඇයි මනුස්සයෝ ඉලෙක්ට්‍රොනික් බඩු මෙහෙමත් හෝදනවද. බලනවා මම නාලා ඉතුරුත් වෙන තරම් වතුර තියෙනවානේ මේක ඇතුලේ.  මම කියන්නම් වැඩක්, ඕක ඔහොමම අරන් ගෙහුං රෙදි කෑල්ලකින් තෙත මාත්තු කරනවා. ඊට පස්සේ වතුර ගතිය නැති ස්ප්‍රේ එකක් තියේනම් ඒකක් ගහනවා. එහෙම නැත්නම් මේ බ්ලෝවර් අරන් ගිහින් මේක හොඳට අල්ලනවා. එතකොට ඔය අං කොං වල තියෙන වතුර සේරම යයි. අවුලක් නෑඊට පස්සේ බඩ්ඩ වැඩ කරයි....හික් හික් හික්....!!!!!  

ඊට පස්සේ ඉතින් මගේ අසරණ බත් ගෙඩිය රත් කොරාගෙන කොටාබාන්ටය කියලා සූජානන් වෙනකොටම මෙන්න තව කව්ද දොරට තඩි බානවා. 
තාල්... 
මම ඇඳේ ඉඳන්ම බෙරිහන් දුන්නේ එච්චර සතුටකින් නෙමේ. විවෘතවූ දොර තුලින් ඇතුලට එබුනේ හිසක් පමණි. 
යේස්....? 
අයියේ මගේ මැසිමේ මොකක්ද ලෙඩක් තියෙනවා පොඩ්ඩක් බලමුද......? 
හැබෑට... දවල් ඕක හේදුවද....? 
මැසින් එක නෙමේ කීබෝර්ඩ් එකනම් හේදුවා... ඒත් ඔයා කොහොමද දන්නේ.....? 
අනේ මම දන්නේ නෑ, ඒත් මට හිතුනා. තව එකෙක් කලින් ආවානේ ඒක නිසා. ආං මම අහවලාට බ්ලෝවරේ දීලා යැව්වා, කොරන්න ඕන හරිය ඌ දන්නවා. එහෙම කරහම මැසිම වැඩ කරයි....! 
හරි අයියේ බොහොම ස්තුතියි....! 
හෝව්... පොඩ්ඩක් ඉන්නවා. මම තවම කියලා ඉවර නෑනේ. 
මොකක්ද අයියේ...? 
හලෝ මේ කවුරුවත් කරනවා දැකපු පලියට ඔහොම වැඩ කොරන්න යන්න එපා. ඒවට ක්‍රමයක් තියෙනවා. අන්න ඒ ක්‍රමය ඉගෙන ගෙන කරනවා. එහෙම නැත්නම් දන්න කෙනෙකුගෙන් අහගන්නවා. හරියට දැන ගෙන කරහම ඔහොම අවුල් ඇතිවෙන්නේ නෑ තේරුනාද...? 
ඔව් අයියේ බොහොම ස්තුතියි, යන්නම්...! 
හා... මතක ඇතුව අර හාදයටත් කියනවා ඔය ටික. කලින් මට කියන්න මතක නැතිවුනා......!! 

මාත්ෂා අල්ලාහ්.........  
මේ තම්බින්ගේ මොලේ තමයි මොලේ.....!!!  



ප/ලි     
මෙතන කොටපු ප/ලි ය මම අහක් කෙරුවා අප්පා. ඒක පොස්‍ටුවටත් වඩා දිගයි නෙව.. පස්සේ දොහක පෝස්‍ටුවක් විදිහටම දාඤ්ඤං...!!! හත්තිලවුවයි එහෙම කොලාම හෙඩිමට අනුව ටියුබ් ලයිට්.. ඕං ආයෙත් ඇමිනුවා. 
    
           හැබෑවටම මම මෙහෙම කීබෝර්ඩ් හේදුවේ හිතා මතා මිනිස්සුන්ව අමාරුවේ දාන එක මගේ පුරුද්දක් වත් විනෝදාංශයක් නිසාවත් නෙමේ. ඒත් මම දැනන් හිටියා මේ කෑම්ප් එකේ මාව කොපි කරලා අසාධාරන විදිහට මුදල් උපයන කට්ට කපටි තම්බියෝ දෙතුන් දෙනෙක් ඉන්නවා කියලා. ඒ හාදයෝ මම කරන වැඩ ගැන බොහොම අවධානයෙන් ඉන්නේ කියලත් මම දැනන් හිටියා. අන්න ඒ අයට දීපු පුංචි ටොපියක් විතරයි මේ. ඔයාලට හිතෙනවද මේ වැඩේ වැරදියි කියලා. මට අනුව නම් නෑ. හරි කමක් නෑ වැරදියි කියලා හිතන අය මේ ටිකත් කියවන්නකෝ. අර මුලින් ආවා කියපු හාදයා දවසක් "ලැපත්" උස්සන් මගේ කාමරේට ආවා "ෆොමැට්" කොරලා දෙන්න කියාගෙන. 

දැන්නම් මම බිසී යාළුවා... ඔයා තියලා ගියොත් පස්සේ කරලා දෙන්නම්...!

මටත් ආසයි වැඩේ ඉගෙන ගන්න. බැරිද කියලා දෙන්න. ....! 

කවුරු උනත් යමක් ඉගෙන ගන්න කැමැත්තෙන්නේ කියලා මම කරමින් හිටිය වැඩෙත් දාලා පොරගේ වැඩේ කරලා දුන්නා. ඒගමන් කියලත් දුන්නා. පොරට කොච්චර ප්‍රමාණයක් පත්තියන් උනාද කියලා නම් මම දැනන් උන්නේ නෑ. හැබැයි ඊට ටික දොහකට පස්සේ මේ හාදයා ඇවිත් මගෙන් වින්ඩෝස්7 ඉල්ලුවහම මමත් දුන්නා. දවස් දෙකකට විතර පස්සේ රිටර්න් කලත් මතකයි. ඊට පස්සෙත් කීප වතාවක්ම මෙයා මගෙන් වින්ඩෝස් ඉල්ලුවා. මම ඇයි කියලා අහන්නේවත් නැතුව හැම වෙලාවකම දුන්නා. මට මොකටද අනුන්ගේ දේවල් හා නැද්ද මං අහන්නේ...? හැබැයි ටික දොහකට පස්සේ දවසක් එක හාදයෙක් ඇවිත් මට කිවුවා..... 

අනේ අයියේ මගේ ලැප් එක මොකක්ද වෙලා ටිකක් ඇවිත් බලනවද......? 
ඇයි මොකද වෙලා තියෙන්නේ. ස්ක්‍රීන් එක කලුවෙනවා. යට වින්ඩෝස් ඔර්ජිනල් නෙමෙයි කියලත් වැටෙනවා. 
හැබෑට...ලඟදි මැසින් එක ෆෝමැට් කලාද...? 
ඔවු...! 
කවුද වැඩේ කොලේ....? 
අහවලා...! 
හෙහ් හෙහ්... ! 
ඇයි අයියේ වැඩේ අවුල්ද...? 
අපොයි නෑ හැබැයි මේක ඌටම පෙන්නනවා. ඌ දන්නවා ඇති ලෙඩේ. වැඩේ කරලා දේවි. 
ඔය යකා ෆෝමැට් කරලත් රියාල් පණහක් ගත්තා මේගමන කීයක් ඉල්ලයිද දන්නේ නෑ. 
කීයක් ගත්තත් ඌ වැඩේ හරියට කරලා නෑ. මේක පොරගේ පෝල්ට් එකක්. සල්ලි ඉල්ලුවොත් මම කිවුවා කියනවා හරියට අදාල වැඩේ නොකරපු නිසා මෙහෙම වෙලා තියෙන්නේ ඒක නිසා ගත්ත සල්ලි වලට හරියන්න වැඩේ හරියට කරලා දෙන්න කිව්වා කියලා....! ඌට බැරිවුනොත් විතරක් කියනවා මම කරලා දෙන්නම්......! 

ඕං පොරත් හා කියලා අදාල තැනට ගියා මම කාමරේට වැදුනා. 
පහුවදා හවස අර ෆෝමැට් කොරාය කියන ගොයියා ආවා කොමෙකුට මෙහෙම ලෙඩක් උනහම මොනාද කරන්න ඕන කියලා අහගෙන.  

කැ.... වැඩ කරන්න එපා ඕයි... තමුසේ මගෙන් මොනා මොනා හරි ලාවට අහගෙන ගිහින් ඒකත් විකුනගෙන කනවා නේද.....? 
යමක් කරන්න කලින් ඒක හරියට ඉගෙන කරනවා මිනිස්සු අමාරුවේ දාන්නේ නැතුව..... යනවා යන්න මගේ දෑහැට නොපෙනී...!! 

    මම ඌව එලවා ගතිමි.දින කිහිපයක් ඉක්ම ගියද තම කාර්යය නොකෙරුන තැන කොමාගේ අයිති කරුවාද අර තැනැත්තාට බැන වැදී කොමා මාවෙත ‍රැගෙන ආවේය.මා ඔහුට සුදුසු තැනකට දී වගකීමෙන් යුතුව වටිනා කියන උපකරණ අලුත් වැඩියා නොකරගැනීමේ ආදීනව කියාදුන්නේ තරමක දෝෂාරෝපණයක ස්වභාවයෙනි. 
මේක මම ඔයා ගාවට ගේන්න හිටියේ අයියේ, මේකා බලෙන්ම වගේ මගෙන් අරන් ගියේ ඌ දන්නවයි කියලා..... 
ඔහු එවිට කීවේය. 

ප/ප/ලි 

සරා කෑම්ප් එක තුල අන් අයට උදව් කරන්නේ සල්ලි ගැනීමට නොවේ. මනුස්සකමට හා කාන්සිය මඟ හරවා ගැනීමටය. කිසිවෙක් තමාගේ මනුස්සකමට ලංසු තියනවාට මෙන්ම වක්‍රාකාරවෙන් එය විකුනන් කනවාට සරා කැමති නැත. එවන් තම්බින් දෙතුන් දෙනෙකු මෙහි සිටිනා බැවින් සරා අවස්ථාව ලද හැම විටම ඔවුන් ගොනාට අන්දනවාය. නමුත් පසුව යතා තත්වයද කියා දෙන බවත් ඔබ දත යුතුය. ගෙහුං එඤ්ඤං එහෙනම්....!!
    

Saturday, March 9, 2013

ඇබෑර්තු ඇත...



          අද මම හැබෑවටම පෝස්‍ටුවක් කොටන්න හිටපු දවසක් නෙමෙයි. මැෂින් එක හෝදලා අරගත්තට පස්සේ හිතට හරියන මාත්තුරුකාවක් සැට් නොවුන නිසා ටික දවසක් නිකන් ඉන්න හිතුනා. ඒත් මේ කාරනාව ටික දොහක ඉදන් හිතේ හොලමං කො‍රැවුව නිසා ඕං අද කොටනවා. සරා මේ වැඩේ අතෑරලා හෙට අනිද්දා ලංකාවට එනවනේ. ඕං එතකොට මෙතන පුරප්පාඩුවක් ඇති වෙනවා. බොසා මීට ටික දොහකට කලින් සරාට කිවුවා මචං උඹ නැතිවෙන එක මට ගොඩාක් පාඩුයි, පුළුවන්නම් දන්න කියන එකෙක් මෙහෙට ගෙනත් දියන් කියලා. සරා ඒකට මොකුත් කිවුවේ නෑ. ඒ ඒක අමතක කරලා දාන්න හිතලා. ඒත් මෙහෙම ‍රැකියාවල් බලාපොරොත්තුවෙන අයත් ගොඩ දෙනෙක් ඉන්නවා කියලා සරාට හිතුනම හිතට ටිකක් හරි මදි වගේ ඒනිසයි මේ. මොකද සරා මෙහෙන් යන්නේ මෙතන ‍රැකියාවේ ගැටළුවක් හෝ වැ‍ටුප් පුරස්නයක් නිසා නෙමෙයි නේ. ස්වදේශිකයන්ගේ නීති රීති වලට තියෙන අකමැත්ත නිසා. 

           තව විදිහකින් කියනවා නම් සරා ටිකක් අහංකාර චරිතයක්. ඉතින් කා ලඟවත් නැමෙන එක සරාට මහා ලොකු මදි පුංචි කමක් විදිහට දැනෙනවා. ඔය හේතුව හැරුනු කොට මෙහේ වෙන ගැටළුවක් නම් නෑ. ඒත් ඉතින් ඔයිට වඩා ලොකුවට ආර්ථික බැරි අමාරුකම් හේතුකරගෙන ඒවයෙන් පීඩා විඳින අය අපේ රටේ ඉන්නවා කියලා සරා දන්නවා. මෙහෙට හවුස් කීපිං ජොබ් එකකට හරි කමක් නෑ කියලා එන අය ගොඩාක් ඉන්නවා, ඒවගෙම එහෙම ඇවිත් අවුරුදු 8-10 මෙහෙ වැඩ කරන අයත් ඕන තරම් ඉන්නවා. එයාලට අර නීති දැනෙන විදිහ ගැන නම් මම හිතන්නෙත් නෑ, මට එහෙම හිතන්න අවශ්‍යතාවයකුත් නෑ. කොහොම උනත් අද ආර්ථික ගැටළුවලින් පීඩා විඳින අයෙකුට නම් මේ අවස්ථාව ගොඩාක් වටිනවා. මොකද වැඩ කරන්න තියෙන්නේ හොඳ ටීම් එකක් එක්ක. අංශ ප්‍රධානියත් ඉතා හොඳ අයෙක්. බරපතල වැඩ නැති රජයේ ආයතනයක් උන මෙතැන ‍රැකියාව ගැන නම් මට කියන්න කිසි වරදක් නෑ. හැබැයි සරා හිතනවා වගේ හිතන අයෙක් නම් " ඔබ"මෙහෙ එන්න එපා. මම මේක ලිවුවේ කවුරු හරි මෙහෙ එන්න කියන්නත් නෙමෙයි. මෙහෙ ‍රැකියාවක් තියෙනවා, කැමති කෙනෙක් ඉන්නවා නම් එන්න පුළුවන් කියන්න. 

මොනවද ඕන සුදුසුකම්: ඉලෙක්ට්‍රොනික් හා වායූසමීකරණ හොඳ දැනුමක් තමයි.

කාට හරි එහෙම දැනුමක් තියෙනවා නම් විදේශ ‍රැකියාවකට යන්නත් අදහසක් තියෙනවා නම් සීවී එකක් හදලා ආතර් ප්ලේස් එකේ තියෙන අබ්‍රාජ් ඒජන්සි එකට ගෙනිහින් දෙන්න විතරයි තියෙන්නේ. එතනින් එහා මොකුත් පුරස්නයක් වෙන එකක් නෑ. වැඩි විස්තරයක් ඕන කෙනෙකුට මට ඊයක් විදින එක විතරයි තියෙන්නේ. පහල නිල් පාටින් තියෙන්නේ ඊය විදින්න ඕන ඉලක්කේ. මතක තියා ගන්න සරා වගේ හිතන කෙනෙක්නම් ඔබ ඔබ මේ ගැන හිතන්න වද වෙන්න එපා. 

මොනවා හරි දෙයක් අරන් ඉක්මනටම මම එඤ්ඤංකෝ. එහෙනම් මම යඤ්ඤං......! 

sarathchandrasiri75@gmail.com


Wednesday, February 27, 2013

සරා ගොයියා හරි මිනිහා...!!




               කාලෙන් කාලෙට ඉන්දියාවේ එක එක නිර්මාණ බිහිවෙනවා. ඒවගේම හරි ඉක්මනට ඕවා අපේ රටටත් වීසි වෙනවා. සමහර ඒවයේ අපූර්වත්වයක් නැතුවත් නෙමේ. ඒත් හොඳ නරක මොකවුනත් පිට රටින්නම් ඕන එකක් බාර ගන්න සූජානන් කට්ටියත් මේ රටේ නැතුව නෙමෙයි. ඕං මම ඒක නම් කිවුවේ ඔයාලට නෙමේ. ඔයාලා එහෙම නෑ නේ නේදෝ.........?

මතකයිනේ පහුනු දවස් වල අර "වැලබෑවුනී" ලා සෙට් එකක් ගෙනත් නටවපු නැටවිල්ල. අම්මපා කියලා වැඩක් නෑ. කදිමයි අනර්ඝයි.....!!
මට පුදුමත් හිතුනා ඉන්දියාවේ "ආශ්චර්යය" දැකලා.
හැමෝම ලොකුයි කිව්වට එච්චර ලොකු නෑ බොලවු...
අල්ලෙනුත් වහතෑකි.
කිවුවට විශ්වාසෙට ගනිල්ලා අපේ ටේලර් ගොයියා කිවුවේ ඌට ටේප් එක නැතුං උනත් මැසිමන්ට් ගතහැකිලු.
හ්ම්හ්.... මේං මෙච්චර විතර ඇති....!
අනිච්චේ දුක්ඛේ... මුන්ට කහඹිලියා අඹරලා ගිල්ලන්ට ඕන ඇතුල්පැත්ත කහන්න.

කොහොම උනත් සරාලා වගේ වලේ එකයි ගොඩ දෙකයි තියාගෙන ඉන්න එවුන්ට ඕවයේ අගයක් ආඩම්බරයක් මෙලෝ රහක් නැති උනාට ඔවුවයේ වටිනාකොම රහ ගුණ දන්න උත්තමයොත් මේ අමුතු ඇටේ ඇතුලේ ඉන්නවා.කිසි වග විබාගයක් නැතුව තප්පුලන්න ගෙහුං උන්දැලගේ උදහසට ලක්වෙයි කියන බයටම සරා ඕං ඒගැන දොඩන්ට යන්නේ නෑ ආයිබොවන්.

මේ උත්සාහය දැනට දශක කීපයකට පෙර ඉන්දියාවේ බිහිවුනු අපූරු චිත්‍රපට ගීත කිහිපයක තොරතුරු දන්න තරමින් ජුන්ඩක් විතර කියන්න.අද ටිකක් අමුතු විදිහකට, මේ හිංදි තනුවලට අනුව බිහිවුනු සිංහල ගීතත් මම මේ සමඟම දෙනවා. හැබැයි හදන්නන් වාලේ හදපුවා නෙමෙයි මුල් ගීයේ තේරුමම හෝ ඒසමාන අර්ථයක් මතුකරපු ඒවා විතරයි. අපි දන්නවා එදා හිංදි ගීත අද මෙන් කලවං පලා මැල්ලුමක් නොවෙන බොහොම අර්ථවත් මිහිරි නිර්මාණ කියලා. මේ නිසාම එදා උතුරු ඉන්දීය සංගීතය කියලා වැඩසටහනකුත් ශ්‍රී ලංකා ගුවන් විදුලි සංස්ථාවේ සිංහල දෙවන සේවය කියන නාලිකාවේ විකාශය වුනා කියලා මතකයක් සරාට තියෙනවා.

            ඔය ශංකර් ජායිකිෂන්, ලක්ෂ්මී කාන්ත් ප්යාරේලාල්, නවුෂාද් වගේ සංගීතඥයන් ගැන වගේම මන්නාඩේ, මුකේෂ්, රාපි, තලාත් මෙහෙමුඩ්, ලතා වගේ ගායක ගායිකාවන් ගැනත් සරාට ඇහුනේ ඔය වගේ වැඩසටහන් වලින්. එතකොට සරා හිච්චි එකා. ඔය දෙගොල්ලන්ගේ එකතුවෙන් හැදුනු සිංදු නම් ඉතින් මල්ම තමයි. සරාලගේ භාශාවෙන් කියනවානම් එයාලා ඇඬෙන්නම දුන්නා. ඔය වැල බෑවුනීලා නටන හෙලුවැලි නැ‍ටුං තිබුනෙ නෑ වගේම පෙන්නපු ටිකත් පෙන්නුවේ කලාත්මක විදිහට. අදකාලේ වගේ මෙසරින් ටේප් එක නැතුවත් දිග පළල කියන්න පුලුවන් කෙරේමෙට නෙමෙයි. කතාව නවත්වලා අපි සිංදුවක් දෙකක් බලමුද ආයිබොවං...

            1955 සැප්තැම්බර් හය වෙනිදා තිරගත වුනු ශ්‍රී 420 චිත්‍රපටයට "මන්නාඩේ" ගායනා කලා. සංගීතය ශංකර් ජායිකිෂන් ප්‍රධාන චරිත රඟපෑවා "රාජ් කපූර්" සමඟ "නර්ගීස්." මෙහි නිෂ්පාදනය සහ අධ්‍යක්ෂනය රාජ් කපූර්ගේමයි.

මෙන්න ඒ තනුවටම නිර්මාණය වුනු සිංහල ගීතය. සරා ගොයියා හරි මිනිහා.... 
ඔන්න මේ සිංදුව දාලා කාමරේ වෙච්ච ජරමරේ ටිකක් බලන්නකෝ.

පැතුමා: ඔය සිංදුව කියන්නේ සමිතා නේද සරත් අයියේ....?
ලසා:  මොන සමිතෙක්ද බං. ඕක චන්ද්‍රලේඛගේ....!
පැතුමා: අනේ පලයන්.. මේ ඉන්ටර්නෙට් එකෙත් තියෙන එක උඹ කොහොමද නෑ කියන්නේ...?
ලසා:  ඉතින් ඉන්ටර්නෙට් එකේ තමයි මම කියන්නෙත්...!
සරා: නවත්තපල්ලා දෙන්නම, ඔය එකෙක්ගේ වත් නෙමේ ඔය සිංදුව.
ලසා හා පැතුමා:   එහෙනම්....?
සරා: අහගනිල්ලා හොඳට. ඔය සිංදුව මුලින්ම කිවුවේ මේබල් බ්ලයිට්. එහෙම කිවුවට එයාගේ සම්පූර්ණ නම මේබල් ජොසපින් බ්ලයිට්. ඔය සිංදුව ඒකාලේ තිබුන දිගම සිංදුවක්. විනාඩි 8ක් දිගයි චිත්‍රපටි සිංදුව. ඒකාලේ කිවුවේ 1956 මැයි 23 තමයි ඔය චිත්‍රපටිය මුලින්ම තිරගත වෙලා තියෙන්නේ. සංගීතය ඒ ජේ ද සොයිසගේ. දෛව විපාකය තමයි ඔය චිත්‍රපටියේ නම. ඔය චිත්‍රපටියට අඩංගුවුන සිංදු ඔක්කොම වගේ ගොඩාක් ජනප්‍රිය වුනා. සාගර හිමිය සොයා, සුරතලියේ සුකුමලියේ, සුදෝසුදු රන්, දොයි දොයි දොයි දොයියපුතා ඒවයින් කීපයක් තමයි. සේනාධීර කුරුප්පුයි, මේබල් බ්ලයි‍ටුයි ප්‍රධාන චරිත රඟපෑවේ. ඇති නේද..?
මුල් ගීයේ අර්ථය මේ සිංහල ගීයේ අඩංගු නැත. එහෙත් ගී දෙකම ලියා ඇත්තේ උපහාසාත්මක අයුරිනි.

මිනිසුනේ මම බේබද්දෙක් කියලා හිතන්න එපා.... මම බිව්වා නෙමෙයි... ඉබේ පෙවුනේ..... චිත්‍රපටය ලීඩර්. මුලින්ම තිරගත වුනේ 1964. නවුෂාද්ගේ සංගීතයට ගැයුවේ මොහොමඩ් රාෆී. ලීඩර් රාම් මුකර්ජීගේ වැඩක්. ප්‍රධාන චරිත රඟපෑවා දිලිප් කුමාර් සමඟ වෛජයන්ති මාලා.


 මේකත් හරි අපූරු සිදුවීමක්. චිත්‍රානන්ද අබේසේකර මුල් ගීය අපූරුවට සිංහලට හරවලා තියෙනවා. P.L.A සෝමපාලගේ සංගීතයට H.R ජෝතිපාල මේ ගීතය ගැයුවේ "ස්වීප් ටිකට්" චිත්‍රපටියට. ස්වීප් ටිකට් බිහිවුනේ ප්ලොරීඩා ජයලත් සමග ලෙනින් මොරායස් සුසංයෝගයෙන්. ජෝ අබේවික්‍රම, විජිත මල්ලිකා, සුදේෂ් ගුණරත්න වගේ අය ප්‍රධාන චරිත රඟපෑවා.




ජීනේ කී රාහ් චිත්‍රපටයට මොහොමඩ් රාෆී ගායනා කල ගීතය සංගීතවත් කලේ ලක්ෂ්මී කාන්ත් ප්යාරේලාල්. තිරගත වුනේ 1969. රඟපෑමෙන් එක්වුනා ජිතේන්ද්‍ර, තනුජා, ජගදීප්.


මෙන්න ඒකට හැදුනු සිංහල සිංදුව. P.L.A සෝමපාලගේ සංගීතයට H.R ජෝතිපාල ගායනා කලා. චිත්‍රපටය සුහද පැතුම. තිස්ස විජේසුන්දර සමග මාලනී පොන්සේකා ප්‍රධාන චරිත රඟ පෑ සුහද පැතුම සිනමා සිත්තම මුලින්ම තිරගත වුනේ 1973 පෙබරවාරි 23. අධ්‍යක්ෂනය කිංස්ලි රාපක්ෂ. නිෂ්පාදනය කලේ කැමිලස් පෙරේරා.

මේ ගීතයේ චිත්‍රපට ජවනිකාව ඇතුලත් ගීතය මෙතනට දාන්න මම උත්සාහ ගත්තත් තාක්ෂණික ගැටලුවක් නිසා එය කිරීමට නොහැකි උනා. ඒ ගැන කනගා‍ටුව.

ඉතින් ආයිබොවං මම යන්න කියලා...
අහ්.. යන්න කලින් මේකත් කියලා යන්නම් කෝ.

මොහොතින් මොහොතට රඟ දෙන්නේ...
දවසින් දවසට පෙරලෙන්නේ...
භවයෙන් භවයට උපදින්නේ...
ඒ මිහිරි අනන්තය හමුවන්නේ...
අපට නැතේ එය හමුවන්නේ..
අපට නැතේ එය ලංවන්නේ..


අනේ ඉතින් සරාට නම් ඔහොම පසුගාමී සිතුවිලි නෑ.ඕනම දෙයක් උත්සාහ කලොත් ලබා ගත හැකිය කියන ස්ථාවරේ ඉන්න ඌ දකින්නේ මේ ජීවිතේදි හැබෑ කරගන්න පුළුවන් හීන විතරයි. තමන්ගේ ප්‍රමාණය නැත්නම් තමන් කවුද කියලා අවබෝධයෙන් ඉන්න සරා බැරිදේවල් ගැන හිතන්නේ නෑ වගේම හිතපු දෙයක් නොකර ඉන්නෙත් නෑ. "උත්සාහවන්ත ජනානං කිම කාරියන්.."

මේකට ගූගල් යාලුවත් මට උදව් කලා ඕං..!

Wednesday, February 20, 2013

සරා සොරකමකට අසුවෙයි....




      දරිද්‍රතාවය එහෙමත් නැත්නම් ආර්ථික බැරි අමාරුකම් අපට ඉතිරි කිරීමේ අගය උගන්වනවා. සතෙන් සතේ රුපියලෙන් රුපියල එකතු කිරීමෙන් උවද අනාගතේ යහපත් ප්‍රථිපල උදාකර ගත හැක. සරා පිප්පි කාලේ සරාලගේ අම්මත් ඔහොම කැටයක් එකතු කරා සරාට මතකයි. කැටේ ලොකුවට පෙනුනේ සරා පුංචි නිසාද කියලානම් කියන්න දන්නේ නෑ සමහර විට වෙන්න ඇති. කොහොම උනත් සරාලගේ තාත්තා අද ඉඩම් හිමි වැවිලි කරුවෙක් වෙලා ඉන්නේ නිකම්ම නෙමේ. උපයපු දේ අරපිරිමැස්මෙන් වියදම් කිරීම හා එයින් යම් ප්‍රමාණයක් ඉතිරි කිරීම නිසා. සරාට අද රට ‍රැකියාවක් කොරන්න වෙලා තියෙන්නේ නිසි කළමනා කාරීත්වයක් සරා ලඟ නොතිබුන නිසා. ඒක දන්න කෙනා හම්බවුනේ පස්සේ නොවැ. දැන් නම් ආයේ ඇන ගන්න එකක් නෑ මගේ හිතේ:D ඒකෙන් මේකෙන් පූජාව පහු වෙනවා නිසා මම කතාවට එන්ටර් වෙනෝ.

               ඔය කියපු සංදිය වෙද්දි සරා පොඩි එකා. අඳුනන්නේ සත 25යි 50යි විතරයි. මොකද සරාට ආප්ප කන්න අම්මා හැමදාම දෙන්නේ සත 50ක්. ආප්ප දෙකක් ගන්නවා සරා ඕකෙන්. ඒකිවුවේ එදා සත 50 ක වටිනාකම .;P කොහොම උනත් දවසක් චූටි අක්කගේ යෝජනාවකට සරා අම්මගේ කැටෙන් සල්ලි ගත්තා. ඇත්තටම කියනවා නම් ඒක හොරකමක්. ගනන් නොදන්නවා උනාට එතන ලොකු කාසි කීපයක්ම තිබුනා. සේරම දුන්නේ චූටි අක්කා අතට. හවස මොකක් හරි උවමනාවකට කඩේ යන්න කිවුවම සරාත් ගියා චූටි අක්කත් එක්ක. ඔය යන වෙලාවේ අර සල්ලිත් අරං ගිය නිසා සරා හිතා හිටියේ තමන්ට මොනා හරි ලොකු දෙයක් ලැබේවි කියලා. අනේ කියන්න කනගා‍ටුයි සරාට ලැබුනේ සත විසිපහේ බැළුම් බෝලයක් විතරමයි. ඒකත් මගදිම පිපිරුවා. ඕං දැන්නම් සරාගේ හිතට අමාරුයි.

අනේ චූටි අක්කේ මම ඔයාට ගොඩක් සල්ලි අරං දුන්නනේ. මට තව බැලුමක් ඕන...!
තව බැලුම් ගන්න සල්ලි නෑ...!
ඉල්ලීම අහකට.
එහෙනම් ඉතින් මම අම්මට කියනවා කැටෙන් සල්ලි ගත්තා කියලා.....!
පුංචි තර්ජනයක්ද මන්දා:D
ඉතින් කියන්න. මම නෙමෙයිනේ ගත්තේ.
ඒ උනාට මට සත 25නේ දුන්නේ. ඔයානේ ගොඩක් සල්ලි ගත්තේ. මම කියනවා.....!!
කියලා ගුටිකන එකයි ඇත්තේ මට මොකද...!
ඇයි එහෙනම් මට තව බැලුමක් අරන් දෙන්නේ නැත්තේ......?
දැන් සැරයක් කිවුවනේ මම. සල්ලි නෑ....!
ඔය බොරු මම කියනවාමයි....!
සරා අවසාන තීන්දුව ප්‍රකාශයට පත් කලේය. ගෙදර ආපු ගමන්ම සරා අම්මා සමග ‍තෝම්බුව දිගහැරියේය. හොඳින් ඒ කතාව අසා සිටි අම්මා කොහොමද කැටෙන් සල්ලි ගත්තේ යැයි ඇසුවාය.
ඉර‍ටුවක් දාලා ගත්තා... !
සරාගේ මුහුනේ ඇත්තේ ජයග්‍රාහී බවකි.
කොහෙන්ද ඉර‍ටුව...?
අම්මා දෙවැනි ප්‍රශ්නය නැගුවාය.
අර අතන තියෙන ඉලපතෙන් කඩා ගත්තා.....!
යමු බලන්න... !
මව සරාගේ අතකින් අල්ලාගෙන කීවාය. සරා සතුටෙන් ඉස්සර විය. ඉලපත ලඟටම ගිය සරා මේකෙන් කැඩුවේ යැයි කීවේය. සරාගේ අත අත නෑරම ඉලපත අතට ගත් අම්මා එයින්ම සරාට තලන්නට විය. සරා වේදනාවෙන් හඬ තැළුවද නතර වූයේ මව නොවේය. ඉවසිය නොහැකි තැන දැඟලූ හෙයින් අත මදක් ලිහිල් වී සරාට ගැලවීමේ මගක් පෑදුනි. ලද අවස්ථාවෙන් ප්‍රයෝජන ගත් සරා ගේවටේ දිවුවද මව පසුපසින් එලැවූ නිසා එතනින් නොනැවතී අසල නිවසක් කරා දිවුවේ කවරෙකු හෝ තමා බේරා ගනීවියැයි සිතාය. අඬමින් තමන් වෙත දිව එන පොඩි එකා දු‍ටු පීටර් මාමාට දුක හිතෙන්නට ඇත. පොඩි එකාට දුවන්නට හැර මග අවුරා සිට ගත්තේ ඒ නිසා විය යුතුය. ඔහුගේ බලවත් විරෝධය හමුවේ සරාගේ මවට පසු බැසීමට සිදුවිය.

             අද කාලේ  අසල්වැසියන් මෙන් පීටර් මාමා සරාගේ මවට විරුද්ධව පොලෝසි ගියේ නැත. කාන්තා හා ළමා රක්ෂකයට පැමිණිළි කොලේද නැත. පොඩි එකා නලවා උගේ ඇඟේ වූ ඉලපත් පහර වලට තෙල්ගෑවා පමණය. හවස ඌවත් කැ‍ටුං උන්ගේ ගෙදර ගියේ පවුලේ උදවිත් පිරිවරා ගෙනය. සතු‍ටු සාමීචියේ යෙදී සිටිනාතරම කොළුවාගෙන් සිදුවූ වරදට ලැබුනු දඬුවම ප්‍රමාණවත් බවත් නැවත දඬුවම් නොකරන ලෙසත් ඉල්ලීමක් කෙරින.

සරාගේ මව කියා සිටියේ
මම අද ඔහොම නොකලා නම් හෙට මූ මීට වඩා දෙයක් කරනවා. කවදා හරි රටේ ලෝකේ මිනිස්සු අපට දෙස් දෙවොල් තියනවා එහෙම උනොත්.

ඒ කතාව හැමදාටම හැම කෙනෙකුටම වලංගු යැයි සරාට හිතෙන්නේය.

එදා සිට අද දක්වාම සරාගේ නොවන කිසිම දෙයක් කෙනෙකුගේ අනුදැනුමකින් තොරව සරා නොගන්නේය. අද වෙනතෙක්ම චූටි අක්කා සමගද කතා නොකරන්නේය.

ප/ලි.

වර්ථමානයේ මෙවැන්නක් සිදුවුවහොත් අසල්වැසියන් විසින් අදාල මව හෝ පියාව දහ අට මාසයකට සිපිරි ගෙදරට යවන්නට කටයුතු කරනවාය. මාධ්‍ය වලද පින්තූර සහිතවම ඒවා ප්‍රචාරය කරනවාය. ඒ බය නිසාදෝ බොහොමයක් දෙමාපියන් කුමන වරදකට වුවද අද දරුවන්ට දඬුවම් කරන්නේ නැත. අවසන ඔලමොට්ටල සමාජ ක්‍රමයක් බිහිවෙමින් පවතිනවාය.

පුද්ගලයෙකු වැරදි කිරීමට බියක් දක්වන්නේ එයින් තමන්ට කරදරයක් අනර්ථයක් සිදුවේය යන බිය මූලික කරගෙනය. කුමන වරදකටද උවද තමන් දඬුවම් නොලබන කල පුද්ගලයෙක් තුල වැරදි කිරීමට බිය නැතිව යයි.

ඊනියා දියුනුව (දැන උගත්කම) නම් විනාශයේ එක අනි‍ටු විපාකයක් පමණි මේ.

නංගි බබා සරාගේ අතීත කතාවක් කියන්න කියපු වෙලාවක මතක් උන කතාවක් මේ. තව ඒවා මතක් කලොත් කියන්නම්.


Tuesday, February 19, 2013

මගේ විරෝධය. ( My objection )



            අප විදෙස් රටවල වෙසෙන්නෝ වෙමු.මෙහි අපට යහළුවෝ නෑදෑයෝ නැතිය. විනෝද චාරිකා යාමට සුදුසු සුන්දර පරිසරයන්ද නැතිය. වැලි කතරේවත් නිදහසේ සිටීමට නොහැකිව ඇත්තේ මේකලාගේ නීති රෙගුලාසි නිසාය. ඒනිසාම අප කාමර වලට කො‍ටුවී සිටිමු. එවිට දැරිය නොහැකි පාළුවක් කාන්සියක් දැනෙනවාය. කාන්සිය මඟ හරවා ගැනීමට අපි නානාප්‍රකාර ඩොට් කොම්ලා සොයායමු. (.com) බ්ලොග් හා චිත්‍රපට හැරුනු කොට සරාලගේ කාමරේ එවුන් යන්නේ ලාංකීය ටෙලි නාට්‍ය පෙන්වන .com වලට පමනිය. හරිම කනගා‍ටු දායකය දැන් ඒකලා පෙන්නන නාට්‍ය අප්‍රසන්නය කුජීතය. වැරදි හදන එකාලාද පෙන්නන එකාලාද කියා දන්නේ නැතිය. අපට අනුව නම් මුන් දෙකාලාම වැරදිය.එසේ කියන්නේ මේකලා මේවායින් මුදල් උපයන නිසාය. කුනුහරුප විකුණා මුදල් ඉපයීම සදාචාර සම්පන්න නොවන්නේය. මුදල් ඇවසි නම් හොඳ දෙයක් ප්‍රේක්ෂකයාට දී මුදල් ඉපයීමේ වරදක් අපි නොදකිමු.

           ඔය මෙගා බිබික්කම් මුලින් හැදුවේ ඉන්දියාවේය. ඕවාට ලාංකීය නම් ඔබා මහගෙදර, ප්‍රවීනා, චිත්තී, % ත්තී කියකියා පෙන්නුවේ අපේ එකාලාය. එදා ඒවාට විරුද්ධව කෙස් පැලෙන තර්ක විතර්ක ගෙනා අස්ප ගනන් බදු යෝජනා කල එකාලාද අද ඒවාම කරනවාය. මේවා අර චිත්තිලාට, %ත්තිලාටත් වඩා බොළඳය, පජාතය. බල්ලෝ මරලා හෙවුවත් සල්ලි "බුහ්" ගාන්නේ නැති බව හැබෑවය. එහෙම කියා මේකලාට ඕන දේවල්ම කිරීමට හැකියාවක් තිබිය නොහැක. ඒ අතින් ගත් කල ප්‍රමිතියෙන් තොරයැයි චෝදනා ලබන බ්ලොග් කෙරුවාව හොඳය. බහුතරයක් ඕප දූප වුවද උන් ලියන්නේ සිදු වූ, සිදුවෙමින් පවතින හෝ අනාගතේ සිදුවිය හැකි දේවල් නිසාය ඒ.අද ලාංකීය ටෙලි නාට්‍ය තුල වන්නේ කිසිඳු ලෙසකින් විය හැකි තබා සිතන්නට වත් බැරි දේවල්ය. පැරණි චිත්‍ර කතා පත්තරවලවත් මෙවැනිදේ නොවීය. ඉන්දියාවේ ටෙලිවල, චිත්‍රපටවල නම් කුඩාකල තමන්ගෙන් වෙන්වුනු දරුවා, සොහොයුරා, සොයුරිය පවා වසර ගනනාවකට පසුව උවද ඔවුනොවුන් හඳුනා ගනී. අපේ ටෙලිවල ඊයේ පෙරේදා ගෙදරින් ගිය තම දියණිය මව නොහඳුනයි, සොයුරිය නොහඳුනයි. තව විකාරනම් බොහෝය. එකිනෙක දැක්වීම ඔබගේ කාලය කා දැමීමක් යැයි සිතෙනා නිසා නොකියමිය.

           ඉන්දියාවේ එකාලනම් මේවගේ ඒවාට කියන්නේ "ගෝල් මාල්" (අවුල් වියවුල්) කියාය. අපේ එකාල මේ කරන්නේ ටෙලි නාට්‍ය කලාව ප්‍රේක්ෂක ජනතාවට එපා කරවීමක්ය. ඒක මහා අපරාධයක්ය. ඉඳ හිට හෝ හොඳ නිර්මාණයක් කරන නිර්මාණ කරුවන්ට තිබෙනා අවස්ථාවත් නැති කිරීමක්ය.

හැබෑවටම මේවා හොයන්නට බලන්නට කෙනෙක් නැතුවද...?
නො එසේනම් ඔවුන් මර නින්දේද....?

Sunday, February 17, 2013

සමුගන්නට අවසරයි.....




            සරා සංගීතයට බොහොම මනාප නිකන්ම නෙමෙයි. ඕනම තත්වයක ඉද්දි සරාට මනස සැහැල්ලු කරගන්න මේ සිංදු කෑල්ලකින් පුලුවන් කමක් ලැබිලා තියෙන නිසා. අනිත් අයට නම් කොහොමද කියන්න මම දන්නේ නෑ. කොහොම උනත් හුඟ දෙනෙක් මේ වැඩේට මනාපයි කියලා නම් මට හිතෙනවා, මම කිවුවේ මේ සිංදු අහන්න. එක එක අයගේ රුචි අරුචිකම් ඉතින් විවිදයිනේ. සරා ටිකක් සරල තේමා වල ගීත වලට තමයි බර. ඒ කියන්නේ සරල ගී ඒකත් පැරණි ඒවා.හැබැයි ඉතින් සිංදු අහන්න බ්ලොග් එකට එන ඇත්තන්ට අකමැත්තෙන් උනත් සරාගේ පල් හෑලිත් කියවන්න වෙනවා. මොකෝ ඉතින් ඕවා මැද්දට නෙව මේකා සිංදු අමුනන්නේ. ඕං අද පටන් ගන්නේ මෙහෙම. මේ ගීතය ගායනා කරලා තියෙන්නේ සනත් නන්දසිරි මහත්මයා.කාලවකවානු නම් හරියටම දන්නේ නෑ. හැබැයි නිතර අහන්න නොලැබෙන නිසා ‍තෝරගත්තා. 

       

                 පුරුෂ පක්ෂය කාන්තාවෝ දිහා බලන විදිහ විවිදයි නෙව. පුද්ගලයගෙන් පුද්ගලයට ඕක වෙනස්. සරා කාන්තාවෝ ගැන හිතන්න කැමති සුන්දර විදිහට.බොළඳ විදිහට නෙමෙයි මෘදු විදිහට. තරඟකාරී වර්ථමානයේ කාන්තාව පිරිමියා සමඟ කරට කර සිටිනා බවත් ඇතැමුන් පිරිමින් අභිබවමින් සිටිනා බවත් සරා දන්නවා. මේ මොන තත්වය යටතේ උනත් සරා කාන්තාව කියලා දකින්න කැමති යන්ත්‍රයක් වත් රළු චරිතයක්වත් නෙමෙයි. කරුණාවේ දයාවේ ප්‍රති මූර්තියක්. ඇය සරල සැහැල්ලු කෙනෙක් නම් කොටින්ම දැකීමෙන් හිතට සහනයක් වැනි හැඟීමක් ඇතිවෙනවා නම් ඒතමයි සරා කැමති චරිත. ඇය යෙහෙලියක් සොයුරියක් ඥාතිවරියක් කවරෙකු හෝ වියහැකියි.ඔය ලස්සන ගැනත් සරාට පොඩි අදහසක් තියෙනවා. සරා ලස්සන කියන්නේ බාහිර ඔපේටම නෙමේ. සිතුවිලි, ගතිගුණ,හැසිරීම් කතාබහ, කියන ඒවා ලස්සන නම් සිත්ගන්නා සුලුනම් එතන තමයි සරා දකින ලස්සන තියෙන්නේ.

මේ ගීය අහලා බලන්න. කොයි කෙල්ලගේ හිතේද මෙහෙම බලාපොරොත්තු ප්‍රාර්ථනා උපදින්නේ නැත්තේ.......? ගායනය චන්ද්‍රිකා සිරිවර්ධන.

            

             සමහරු හිතනවා රළු පරළු වචන වලටමය හිත් රිදවන්න පුළුවන් අපොයි නෑ කනට මිහිරිව ඇහෙන සමහර වචන වලින් හිත් කීරි ගැහෙන අවස්ථා තියෙනවා. ඒවගේම ආදරේ කරන අයට පුළුවන්ලු කොච්චර වැරදි කලත් අනෙකාට සමාව දෙන්නත්. මම නම් එහෙම නෑ හැබැයි මේ ගීතයේ එහෙම කෙනෙක් ගැන කියවෙනවා අහලා බලමුද. ගායනය වික්ටර් රත්නායක සමග නිරංජලා සරෝජනී.      

යුවතියක අසීමාන්තිකව දඟකාර හා සෙල්ලක්කාර වූ විට පිරිමි සිත්වල ඇය කෙරේ ඇති ගෞරවනීය ප්‍රථිරූපය බිඳවැටේ. ඔය කතාව මම කියන එකක් නෙමෙයි කවුද කෙනෙක් පත්තරේකට ලියලා තිබුන කතාවක් මම කියෙවුවේ කාලෙකට ඉහත. අසීමාන්තික වීම මොකකදිවත් හොඳයි කියලා සරා කියන්නෙත් නෑ. ඒත් බිරිඳක් වගකීම් ගොඩාක් හිසට ගෙන බැරෑරුම් ලෙස ජීවිතය දකින හා ගෙවන එකට මගේ මනාපයක් නෑ.
             නිතරම වගේ ඇහෙන සිංදුවක් නිසා හුඟාක් අය දන්නවනේ කියන්නේ කවුද කියලා. නිරංජලා සරෝජනී.

         බිරිඳක සතුටෙන් වගේම සැහැල්ලුවෙන් ඉන්න ඕනය, සැමියව සතුටෙන් තියන්න පුළුවන් එතකොටය කියලයි සරාගේ කල්පනාව. ඉස්සර සරා වැඩ ඇරිලා ගෙදර එනකොට නංගි බබා ඉන්නවා දොරකොඩ. නිකම් නෙමෙයි හිනා කටක් පුරෝගෙන.ඊට වඩා සතුටක් සරාට තිබුනේ නෑ ඒ දවස්වල. බස්වල තෙරපිලා මහන්සිවෙලා ගෙදර ආවත් ගෙට පය ගහන්නත් කලින් වෙහෙස මහන්සිය නැතිවෙලා ඉවරයි. අග හිඟ කම් වලට සරාලගේ ගෙට එන්න ඉඩක් නැති වුනෙත් ඔය නිසාමයි කියලයි සරාගේ අදහස. සැමියව/බිරිඳව සතු‍ටු කරන්න නම් ලොකු කැප කිරීම් කරන්න ඕනය, වානිජමය වශයෙන් ලොකු වටිනාකමක් තියෙන දේවල් වලය ගෙදර දොරේ සතුට ‍රැඳිලා තියෙන්නේ කියලා හිතන අයට නිකමට වත් නොහිතෙන ඇත්තක් තමයි ඒ.

කොහොම උනත් යන්න කලින් මේ කතාවත් කියලම යන්නම්. අපි හැමෝටම ජීවිතේ දැනෙන්නේ එකම විදිහට නෙමෙයිනේ. මේ තියෙන්නේ ඒකට පොඩි උදාහරණයක්. මේ ගෑණු දරුවා කියනවා එයාට ජීවිතේ විභාගයක් වගේ දැනෙනවලු. නැත්නම් ජීවිතය ඒ අයුරින් මිනිස්සුන්ව පරීක්ෂාවට ලක් කරනවලු. පිරිමි ළමයි දෙන්නා කියන්නේ. මිත්‍රත්වය හා හදවතේ ඇතිවෙන සිතුවිලි එයාකාරයි කියලා. මන්මෝහන් දේසායි නිෂ්පාදනය කර අධ්‍යක්ෂනය කල "නසීබ්" චිත්‍රපටියට රඟපෑමෙන් එක්වුනා අමිතාබ්, හේම මාලිනී, ශතෘගාන් සින්හා. ලක්ෂ්මි කාන්ත් ප්යාරේලාල්ගේ සංගීතයට ගීතය ගැයුවේ ලතා සමග අනවර් රාෆී. මතක තියා ගන්න zසින්දගී ඉම්තෙහාන් ලෙහ්තී හේ....





එහෙනම් සරා ගියා ඕං. දන්නවද ලඟදීම එනවා සරාලගේ කාලේ ළමා ගී කීපයක්.....!!

Tuesday, February 12, 2013

සරාගේ වැලන්ටයින් පනිවිඩය..

   
                                     


              අර වැලන්ටයිඩේ හෙවත් පෙම්වතුන්ගේ දිනය උදාවීමට ඇත්තේ තව පැය ගනනාවක් පමණි. රට පුරා හැමෝම පාහේ ඕක සැමරීමට කල් තියාම ලක ලෑස්ති වෙනබවට සරාට දැනගැන්මට ලැබී ඇත. වැලේ වැල් නැති එකා පවා වැලන්ටයින් අතාරින්නේ නැතිය. බැලුවාම එය ඉතා හොඳ ප්‍රවනතාවයකි. අපේ සඟිස්කුරුතයේ නිම්වලලු පුළුල් වෙමින් පවතින බවට කදිම සාක්ෂියකි මේ. සරා ඒවායේ වරදක් දකින්නේ නැති. හැමෝටම හොඳනම් මටත් අවුලක් නැති නියාය නම් ඒය. 

          හැබැයි මට එක ප්‍රශ්නයක් තියෙනවාය. ඒ ආදරවන්තයන්ට විශේෂ දිනයක් මක්කටද යන්නය. ලෝකය පවතින්නේ ආදරය කරුණාව මතය කියා සරා අදහන්නේය. එනයින් ගත් කල හැම දිනයක්ම ආදරණීය දිනයන්ය. ආදරවන්තයන්ගේය. එසේනම් ආදරය කිරීමට හෝ ආදරවන්තයන්ටය කියා විශේෂ දින ඇවසි නැතිය. එහෙත් දැන් එහෙම දවසක් තියෙනවාය. එහෙත් බොහෝ දෙනෙක් මෙදින යොදා ගන්නේ ආදරය කිරීමටද නොවේය. එක එක කුප්ප කම් කිරීම සඳහාය. ඒගැන උදාහරන ගෝනියක් දිය හැකිය. එවිට මගේ වැලන්ටයින් පනිවිඩය දික් වෙනවාය. පෝස්‍ටුව නීරස වෙනවාය. කියවන්නාට එපා වෙනවාය.
එබැවින් ඒගැන කතා අත් හරිනවාය.

           සරා ලෝකය ගැන කතා දමන්නට නොදන්නේය. එසේ කිරීමටනම් හතීකොන කරක් ගසා තිබිය යුතුය. සරාට එවන් අත්දැකීම් නැතිය. එබැවින් දන්නාදේ පමණක්ම කතා කරන්නේය.  ඒ මෙසේය. සුපිරි පැලැන්තිය නියෝජනය කරන ඇති හැකි ඈයෝ තරු පංතියේ හෝටලවල වැලන්ටයින් (ස)මරන අතර මධ්‍යම, සාමාන්‍ය, නිර්ධන පංති පිලිවෙලින් තානායම්, ලැගුම්හල්, පකිස් පෙට්ටි මේ සඳහා ‍තෝරා ගනිති. ඔය එකක්වත් බැරි එකාගේ පිහිටට එන්නේ වෙරල කොනක හිඳ බලා ඉන්නා වැටකෙයියා පඳුරුය. වතු කම්කරුවාගේ පිහිටට වැටකෙයියා වත් නැතිවෙන්නේ "මනිය" ගහනකම් වත්තෙන් එලියට යාමට නොහැකි නිසාය. එබැවින් උන් ඒ සඳහා තේ පඳුරක් හෝ රබර් ගසක් ‍තෝරා ගනී. ගමේ එකාලාට දං පඳුරුය.කවුරු කොහොම කොතැන වුවද (ස)මරන්නේ වැලන්ටයින්ය.ඒ වනාහී අපේ නූතන සඟිස්කුරුතාංගයක්ය. එබැවින් එහි කිසි වරදක් නැත්තේය. නමුත් ආශ්චර්ය කරා යන ගමනේදී මේ සඳහා ලැබෙන රාජ්‍ය අනුග්‍රහය නම් ප්‍රමාණවත් නොවන බව නොකියාම බැරිය. අනෙක් සඟිස්කුරුත උත්සව වලට මෙන් මෙයටද නොමද රාජ්‍ය අනුග්‍රහයක් ලැබිය යුතුමය. අවම වශයෙන් මෙහි අතුරුඵලයක් ලෙස රටට ලැබෙන "බෝනස්" ගැනහෝ අවධානය යොමුකල යුතු බවට දියවන්නා නෑදෑයෝ හඬ නැගිය යුතුය. ඒ මාපියන් නැති දරුවන්ය. ඔවුන්ගේ සුභ සිද්ධිය සඳහා යමක් කිරීම රජයේ වගකීමකි. අනාථ නිවාස වැඩිවැඩියෙන් සෑදිය යුතු අතර ඒවායේ පහසුකම් තවතවත් වැඩි කල යුතුය. එවිට ඒ දරුවන් සුවසේ වැඩෙනු ඇත. ඔවුන් කුඩා කල කිසිදා නොදු‍ටු මව්පිය ගුණ වයනු ඇත. වැඩි වියට පැමිණීමේදී ඔවුන්ව ආදර්ශයට ගන්නවා ඇත. පොඩිහිටියන්ද දිනෙක වැලන්ටයින් සමරනවා ඇත. ඔවුන්ට සිදුවූ දෙයම ඔවුන්ගෙන්ද සිදුවනවා ඇත.
අහා........... කෙතරම් අපූරුද...?

හැපි වැලන්ටයින් එකක්ම වේවා.........!!!